Imaam C/laahi Khaliif Rooble imaamka beelaha H/Gidir ayaa sheegay in Sheekh Xasan Dahir Aweys ugu hanjabay inuu dili doono, wuxuuna sheegay inuu qadka taleefanka hanajabaad ugu soo gudbiyay. Imaamka ayaa sheegay in hadii Al-Shabaab ay rabto in ay la heshiiso beelaha Habargidir loona baahan yahay inay soo buuxiso sharuudo ay ka mid yihiin inay soo martaa odoyaasha cuqaasha iyo wax garadka Beelaha H/Gidir waxa uuna sheegay in heshiiska uu ahaado mid ka soo bilowda Gobolada ay degan yihiin Beelaha H/gidir ilaa Gobolka Banaadir.

Hanjabaada Xasan Daahir ayaa la sheegay inay ku aadan tahay qof kasta oo isaga ka hortimaada, waxayna tani muujinaysa sida uu yahay hab dhaqankiisa, islamarkaana u raadinaayo awood uu ka helo beesha uu ka soo jeedo ee Cayr.

Dhanka kale Hanjabaad loo soo jeediyay imaamka beelaha H/Gidir ayaa ku soo aadaysa xilli Xasan Dahir Aweys mar uu la hadlay warbaahinta odoyaasha qaar kood ee ku jira beelaha Habar Gidir ku eedeeyay in dhalinyarada beesha ay u diideen ka dhinac dagaalamaan Al-Shabaab.