Madaxweyne Yuusuf ayaa uga waramay Wasiirka Arimaha Dibada Ethiopia xaaladaha Siyaasadeed ee waqtigan ka taagan dalka Soomaaliya & arimaha amaanka wuxuuna sheegay Madaxweyne Yuusuf in amaanka Soomaaliya mudooyinkii ugu dambeeyey soo wanaagsanaayey ,inkastoo ay soo baxayeen weeraro lugu qaadayo ciidamada dawladda Soomaaliya.

Wasiirka arimaha dibada ee Dalka Ethiopia ayaa sheegay in ay sii wadayaan Xiriirka ka dhaxeeya dawladda Faderaalka ee Soomaaliya ,isagoo sheegay in ay Itoobiya dooneyso in ay dawladda Soomaaliya guud ahaan gacanta ku qabto dalka Soomaaliya.

Kulanka Labadan Mas’uul ayaa hordhac u ahaa wada xaajoodyo bilowday shalay galab ,waxaana warkan Shabakada Warsheekh uxaqiijiyey Qaar ka mid ah Masuuliyiinta la socota Wafdiga uu hogaaminayo Madaxweynaha dawladda Faderaalka ee Soomaaliya.

Wada hadalo dhinaca Siyaasada ah ayaa ka socda Magaalada Addis Ababa ee dalka Ethiopia,waxaana wada hadaladaasi qaar ka mid ah xalayba dhexmareen Madaxda ugu sareysa Dowlada Ethiopia & Madaxweynaha Soomaaliya.

Wada hadalada Siyaasada waxaa lugu soo darayaa Iskaashiga dhinaca amaanka ah & sidii dawladda Soomaaliya gacan looga siin lahaa dardargalinta & howlgalinta ciidamadii dhawaan tababarada ku qaatey dalka Itoobiya.