Golaha sare Culumaa'udiinka Ahlusuna Wal-jameeca oo soo dhoweeyay dhalinyarada ka soo goosaneysa Al-Shabaab

Visits: 1039
(Rating 0.0/5 Stars) Total Votes: 0
0 0
Share via Social Media

Golaha sare Culumaa'udiinka Ahlusuna Wal-jameeca oo soo dhoweeyay dhalinyarada ka soo goosaneysa Al-Shabaab

Golaha sare Culumaa'udiinka Ahlusuna Wal-jameeca ayaa soo dhoweeyay dhalinyarada ka soo goosaneysa Al-Shabaab ee isku soo dhiibeysa dowladda Soomaaliyeed.

Share

Golaha sare Culumaa'udiinka Ahlusuna Wal-jameeca ayaa soo dhoweeyay dhalinyarada ka soo goosaneysa Al-Shabaab ee isku soo dhiibeysa dowladda Soomaaliyeed.

Bayaan ka soo baxay Golaha sare Culumaa'udiinka Ahlusuna ayaa lagu sheegay in wanaagsan tahay in dhalinyarada la qalday ee u dagaalanta Al-Shabaab inay isa soo dhiibaan, kana faa'ideystaan cafiska ay dowladda u fidisay.

"Waxaa soo dhoweyneynaa dhalinyaradii ajiibtay baaqii cafiska ee 45-ta cisho, waxaa u sheegeynaa dhalinyarada la qalday ee Al-Shabaab u dagaalanta inay isaga soo baxaan kooxdaas gabalkeeda dhacay"ayaa lagu yiri Bayaanka ka soo baxay Golaha sare Culumaa'udiinka Ahlusuna.

Sidoo kale waxaa bayaanka looga codsaday dowladda Soomaaliyeed inay xarumo lagu xareeyo u sameyso dhalinyarada isa soo dhiibta, si ay ugu helaan daryeel caafimaad, waxbarasho iyo adeegyada muhiimka ah.

Ugu dambeyn Bayaanka Golaha sare Culumaa'udiinka Ahlusuna ayaa waxaa lagu sheegay inay mudada 45-ta cisho ee cafiska la kordhiyo, si ay uga faa'ideystaan dhalinyarada doorka ku jira, ayna uga soo baxaan ka mid ahaanshiyaha kooxda Al-Shabaab.