Wararka ka imaanaya xuduuda u dhaxeysa Kenya iyo Soomaaliya ayaa la sheegayaa in xayiraad  lagu soo rogay isku socodkii xuduuda, kadib markii xiisado dagaal ka soo cusboonaadeen halkaasi.
 
Todaabaadkii la soo dhafay ayaa waxaa halkaasi ka jiray dhaqaaqyo ciidan, iyadoo ciidamadaasi ay wataan rag ka soo horjeeda Xarakada Al-Shabaab, kuwaasi oo la baxay Gudiga dib u xoraynta Gobolada Jubooyinka.
 
Ciidamada ilaalada xuduuda ee dalka Kenya ayaa bilaabay maanta iany u diidaan dadka iyo gaadiidka in ay u talaabaan gudaha dalka Kenya, waxaana arrintaan ka xumaaday  bulshada ku dhaqan deegaanada ku dhaw xuduuda Kenya.
 
Dowladda Kenya ayaa ku jirta Feejignaan gaar ah, waxayna isha ku heysaa xuduuda ay la wadaagto Soomaaliya, iyadoo aad uga baqdin qabto in xoogagga ka dagaalamaya gudaha Soomaaliya oo marar badan jeediyay hanjabaadyo ka dhan ah Kenya.