Waxa uu sheegay Suldaan Aweys in xukuumadihii ka horeeyay Ra’iisal Wasaare C/Weli ay ku tunteen xaqa ay u leeyihiin aqoonyahanada Soomaaliyeed inay ka mid noqdaan xukuumadda, hase yeeshee waxa uu sheegay Ra’iisal Wasaaraha cusub inuu ka rajeynayo inay wax ka qaban doonto tacadiga aqoonyahanada Soomaaliyeed.

“R/Wasaaraha waxaan ka codsaday inuu xukuumadiisa ku soo daro dadka aqoonta leh oo uu ka mid yahay Dr. Black” ayuu yiri Suldaan Aweys Suldaan Maxamuud oo dhinaca kale wax laga xumaado ku tilmaamay faragelinta madaxda sare ee Dowladda ku hayaan howsha Ra’iisal Wasaare C/Weli Maxamed Cali.

Dhinaca kale Suldaankaan oo ka mid ah duubabka degan Banaadir matalana beel weynta Celi Cumar, waxa uu sheegay in Ra’iisal Wasaaraha uu u gudbiyay qoraal dheer oo uu ku muujiyay talo iyo tusaalo ku aadan xulitaanka Golihiisa Wasiirada, wuxuuna tilmaamay inay jiraan kooxo uu sheegay inay doonayaan sidii ay xukuumada uga jaha wareerin lahaayeen yoolkeeda ku aadan inay dalka gaarsiiso doorasho xor ah.