Abuu Muscab ayaa sheegay in ciidamadaasi iyo ciidamo Ethiopian ah oo galbinayay oo kasoo ambabaxay ay u galeen meel u dhow deegaanka Yurkud halkaasi oo uu sheegay in ay ku gaarsiiyeen qasaaro oo ay kaga gubeen ciidamada wada socday labo gaadiidka dagaalka islamarkaana ay ka dileen in ka badan 10 askari.

Afhayeenka dhinaca howlgalada ee Xarakada Al Shabaab oo la weydiiyay waxa ay ku xaqiijin karaan in ciidamada Sere lion ay soo galeen dalka ayaa waxa uu sheegay in ay u xaqiijiyeen dadka ku dhaqan degmada Luuq oo uu sheegay in ay isku uruursanayeen maalmahaan sidoo kalana waxa uu sheegay in ay leeyihiin ciidamada wadankaasi astaamo lagu garto sida qalashada dameeraha, waxaana uu xusay in ay wataan gaadiidka AMISOM oo ay buufsan tahay Caalamada AU.

Sere lion ayaa waxa ay sheegtay in Soomaaliya ay usoo dirayso ciidamo qeyb ka noqda kuwa AMISOM, iyadoo Al Shabaab ay ku hanjabeen burbur iyo baab’a ay la kulmi doonaan ciidamadaasi hadii ay soo galaan Soomaaliya.