Taliyaha Ciidanka xooga Dalka Soomaaliyeed oo shalay Booqasho ku tagay Magaalada Kismaayo ee Xarunta Gobolka Juibada Hoose ayaa ka hadlay Ciidamada Huwanta ah ee Kismaayo qabsaday iyo waxa ay yihiin iyo sidoo kale Cida ay ka amar qaataan.

Jen. C/Qaadir Diini Taliyaha Ciidanka Xooga Soomaaliyeed ayaa gabi ahana meesha ka saray ciidan la yiraahdo Raaskanbooni in ay jiraan ayna kusuganyihiin Magaalada Kismaayo isagoona Hoosta ka xariiqay Ciidamada Kisamaayo jooga in ay yihiin Ciidamada Qalabka Sida ee Dowlada Soomaaliya.

‘’ma jiraan Wax ciidan oo Koox koox ah ama Magacyo kale leh sida Raaskanbooni Ciidamada Halkan jooga waa Ciidamada Qalabka Sida ee Soomaaliya oo gudanaya Wajaibaadkooda saaran ‘’ ayuu yiri Taliyaha Ciidanka Xooga Soomaaliyeed.

Magaalada Kismaayo waxaa kuwada sugan Ciidamo uu Hogaamiyo Sheekh Axmed Mdaoobe oo la yiraahdo Raaskanbooni iyo Ciidamada Dowlada ee kor ka wehliyaan kuwa AMISOM ee Kenya kasocda iyadoona hadalkan kasoo baxay Dowlada ee meesha looga saaray Ciidamada Raaskanbooni aysan wali ka hadlin kooxdaasi.

Kooxda Raaskanbooni ayaa horey u sheegtay in ay yihiin Ciidamo gaar ah balse taageersan Dowlada Soomaaliya lamana shaacin wali in ay noqdeen Ciidan qaran oo ay katanaasaleen magaca Raaskanbooni ay markii hore kusoo galeen Gobolada Jubooyinka.