Mata oo Warcusub laga helay iyo Morinho oo furka tuurtay
Juan Mata ayaa baarista caafimaadka u maray naadiga Manchester United, waxaana la sheegay in wixii haatan kadambeeya uu diyaar u yahay inuu kooxda u safto kulankooda ay talaadada la leeyihiin kooxda Cardiff City.
Juan Mata ayaa baarista caafimaadka u maray naadiga Manchester United, waxaana la sheegay in wixii haatan kadambeeya uu diyaar u yahay inuu kooxda u safto kulankooda ay talaadada la leeyihiin kooxda Cardiff City. Jose Mourinho ayaa sheegay inuu ku khasbanaa inuu Juan Mata iibiyo, markii uu fursad ka helay United oo ay u soo bandhigtay 37 milyan oo
gini inuu ka faa’ideystay.
Mourinho ayaa qiray in Mata ay u rooneyd in la iibiyo maadaama uusan muddooyinkan ka qeyb qaadaneynin cayaaraha kooxda. "Fursad wanaagsan
ayay u ahayd in koox weyn oo dalka Ingiriiska ka dhisan ay dooneysay.”
Mourinho ayaa dhinaca kale iska difaacay eedeymaha uga imanaya inuu Mata ka iibiyay koox uu xifaaltan kala dhexeeyo oo ah Manchester United,
isagoo arrintaasi ka hadlayana wuxuu yiri "Qofna ma celin karin. Taageerayaasha Chelsea ma waxay ku faraxsanaan lahaayeen haddaan
cayaaryahan weyn ka horistaagno inuu tago oo aan dhahno waxaad naga tagi kartaa haddaad aadeyso Ruushka, Shiinaha, Faransiiska ama Bortaqiiska?
Ma u maleynayo in arrintaasi ay ku farxi lahaayeen taageerayaasha Chelsea” ayuu isku difaacay Mourinho oo intaasi raaciyay inuu aaminsan
yahay in Mata uu u qalmo in la ixtiraamo oo uu faraxsanaado, uuna ka cayaaro meesha uu doonayo.
Mata oo Warcusub laga helay iyo Morinho oo furka tuurtay
Juan Mata ayaa baarista caafimaadka u maray naadiga Manchester United, waxaana la sheegay in wixii haatan kadambeeya uu diyaar u yahay inuu kooxda u safto kulankooda ay talaadada la leeyihiin kooxda Cardiff City.