Raii'sulwasaaraha Xukuumadda federaalka Soomaaliya iyo wafdi uu hoggaaminayo ayaa maanta gaaray dalka jabuuti iyagoo kulan la qaatay Madaxweynaha wadanka jabuuti. Wafdiga uu hoggaaminayo Ra'iisulwasaare Cumar Cabdirashiid Cali Sharma'arke ayaa dalka jabuuti kulan kula qaatay Madaxweynaha dalka jabuuti mudane Ismaaciil Cumar Geelle iyagoo kawada hadlay Arrimaha ammaanka iyo sidii loo xoojilahaa Xiriirka labada dal ee Soomaaliya iyo Jabuuti. Madaxweynaha Dalka Jabuuti iyo Ra'iisulwasaaraha xukuumadda Soomaaliya oo kulan gaar ah wada qaatay ayaa kulankooda waxa ay uga hadleen Arrimo ay ka mid tahay taageerada Dowladda jabuuti ay u hayso Dowladda Soomaaliya.isagoo dhinaca kale Ra'iisulwasaare cumar Cabdirashiid uu u sheegay Madaxweye Ismaciil Cumar Geelle in Dowladda itoobiya ay kala soo hadleen Arrimaha xoojinta Amniga Soomaaliya iyo qodobo kale.