kolay anigi su'aashaas jawaabteedii waa iga tan,iyo sida aan wax u arko.

Bal aan mariyo maansoo

Suugaanta magansado

Geeraar macquuliyo

Murti meesha soo dhigo

Ma mutuhiyo gabaygee

Midha lagu maqsuudiyo

Macnaa loo sameeyaa

Milgaa lagu xariiqaa

Xasan maahirow maqal

Madmadawga soo galay

Magacii muqaawimo

Mugdiga inaan ka saaroo

Meel cad aan ku muujaad

Marag iiga  yeeshood

Anoon mala awaalayn

Metalaynin sheekada

Aan maro jidkeedii

Alle mahadii weeyaan

Mar haday  dadkii

Meeshuu dhibkoodiyo

Mahadhadu ka haysiyo

Murugada ogaadeen

Xasanoow muqaawamo

Macnaheedu gaarka

Waa duul midooboo

Mugdiga iyo gumaysiga

Mawdka iyo dhiilada

Wax kastoo makalayoo

Manhajkii xaqa ahaa

Micnihiisa aan wadan

Muruq kula dagaalama

Maskaxna u adeegsada

Miyirkooda kaashada

Maadooyiinkoo idil

Midi ay xornimo iyo

Miisaanka nabadeed

Mar ku heli karaan

Mawqifkoodu uu yahay !!!

Maxaakiimtii waa hore

Midowgii islaamkii

Mooryaanta naga raray

Qabqablaha minjaha jaray

Muqdishona xasiliyee

Maalmihii macaanaa

Magacii udgoonaa

Mudo kooban buu ahaa

Mindiyaa ku hoos jiray

Iyo duul munaafaqa

Mooryaan gareey iyo

Mashaqaa ka buuxdoo

Muqaawamo ma odhan karo

Maamulaha shuurada

Miisaanka weynaa

Madaxii islaamkiyo

Odaygii masuulnimo

Muslinku u yaqaaneen

Manhajkiyo ujeedkiis

Mabda,iisu waxuu haa

Muslinkoo la dila iyo

Madfaca iyo miinada

Maatada ku laayiyo

Dadka kii macquuloo

Madax inuu ka gooyo

Mar uun maamul uu helo

Madaxnimo ayuu rabay

Ma mutaysan magacaas

Muqaawamo  ma odhan karo

Maquuste iyo mooryaan

Waa laba mashruucoo

Inay shacabka madhiyeen

Isu soo midaystoo

Midba magac ku joogo

Ka midaysan hadafkoo

Malaayiin ku qaatoo

Ma mutaysan magacaas

Muqaawamo ma odhan karo

Maamuulkii cartaa ladan

Mindiyo iyo soodhiyo

Murjiska iyo muduciyo

Miinada dadkeeniyo

Mashaqada ma ay dhigin

Maal aduunyo wuu helay

Madaxnimo sidoo kale

Mana falin wax dhiilo ah

Meertada dagaalkiyo

Diiwaanka madawiyo

Magac xumada kuma jiro

Shirka madaxda tuugada

Maslaxaada laga dhigay

Mashruucii dadweynaha

Magacooda lagu cunay

Horta maxaa ka soo baxay

Muran aan dhamaaniyo

Maal baa nalaga dhacay

Mag ayaan sugaynaa

Malaayiinta beentiyo

Moolka hoosa lala galay

Midnima kumay dhalin

Macno loo qushuucoo

Meel mara kama dhalan

Mahdibaa mashruucaa

Magaciisa lagu dhigay

Isaga ka miirsaday

Ma mutaysan magacaa

Muqaawima ma odhan karo

Midowgii jabhadiyo

Malagii dadweynaha

Magacii dalkeeniyo

Masiibadii dadkeenaba

Mooryaantii dumisee

Muqdishana burburisee

Madaxweynaheeniyo

Kuwii maxamed baacsaday

Ee maalkii naga dhacay

Ka mamnuucay ubadkii

Manhajkii waxbarashada

Ka mamnuucay dumarkii

Mariinka iyo dahabkii

Ka mamnuucay shacabkii

Inay macawis qaataan

Ka mamnuucay soomaal

Mar inay midoobaan

Ma mutaysan magacaas

Muqawamo ma odhan karo

Yaanan mooska jabinoo

Hadalku maaxad beeline

Magacani dadkiisii

Weli meesha may iman

Madashana ma soo gelin

Wax muwaadinimo wada

Oo macquula kuma arag

Mawlaan ka sugaynaa

Isagaa midayn karaa

Madaxweyne qaraniyo

Dadka oo midnimo wada

Shacab wada muxaafida

Oon mucaarad lagu arag

Mowluhu raxmaankiyo

Macbuudkaan ka sugaynaa

Waa qalinkii iyo Hal_abuurkii

Cabdiraxiin Hilowle Galayr

Abdirihiin1@hotmail.com