Kumaan kun taageerayaal oo la oran karo waa tiradii ugu badneyd ee fagaarayaasha sportiga isugu timaada tan iyo horyaalkii 28-aad ee lagu qabtey garoonka Da'da ah ee Conis Stadium, ayaa galabta u soo xaadirtey kulan ciyaareedka Elman iyo B/telecom,kaasi oo lagu qiyaasi karay inuu la mid ahaa Derby De italia ee labada Milan ama kulankii Copa Del Rey Final ee xaley ka dhacay Mestalla Stadium.

Elman Fc oo hogaanka 30-dhibic ku horkeceysay ayaa garoonka iskeentay iyadoo ujeedadu ay ahayd xitaa hal dhibic kasoo qaado B/telcom maadaama ay tahay koox weyn oo horyaalka heysay sanado aan la ciyaarin wax horyaala marxalada dalka awgeed.

Macalinka Da'da yar ee Elman Fc Yuusuf Cali Nuur ayaana gudaha garoonka ka hore ciyaarta iigu sheegay in kubadd wanaagsan ay ciyaarayaan guushuna ay dhex taalo 2-da kooxood iyo wixii ay kala helaan,waxaana uu xusey in dhaliyahooda hogaanka u haya gool dhalinta ee C/casiis Hoomey uu dhaawac dartii u ciyaari karin.

B/telcom ayaan waxba lasoo harin waxayna garoonka is keeneen iyagoo ku xisaabtamaya ka aarsada Elman oo lugtii hore guul daro idiin baday,

Walow rajada B/telcom ay lahayd ay tahay ciriirsada kaalinta 3-aad oo abaal marin lagu bixinaayo, hadana waxaaba kala weyneyd yeysan idiinku dabaal degin Elman ee ka adkaada, sidaasi waxaa ii xaqiijiyey qaar ka tirsan xidigaha B/telcom oo ciyaarta ka hore aan la kulmay.

3:35 daqiiqo ayaa kubadii uu fasaxay garsoore Nuur Maxamed C/dulle (Nuur-Roze) oo ay calanka u hayeen Saalax iyo fiidow.

Elman waxay ciyaarayeen qaaka 4-4-2 walow mar marka qaar qeybta danbe 5 ay ka dhigayeen, B/telcom dhexda ayey aad u xoojiyeen waxana macalinkoodu ku ciyaarsiiyay 4-5-1 taasina waxaa kaga dhashay gool qeybtii hore, daqiiqadii 15-aad iyadoo ciyaaryahan Saacid Saalax Xuseen uu Elman u saxiixay goolkaasi, waxaa isbedelay jawiga garoonka sawaxan,sacab iyo durbaan ayaa laga dareemayey xitaa 1-km meel u jirta garoonka lagu baratameyey,

Qeybtii koowaad sidaa ayaa lagu kala nastay,iyadoo Elman fc ku hogaamineysay 1-0. Laakiin markii qeybta 2-aad dar daaran ay labada macalin soo siiyeen xidigahooda ayey ciyaartii kululaatey Banaadir ayaa waxaa u suura gashey iney dhaliyaan goolkii bar-bardhaca kaa oo ahaa laad xor ah ama Bulusiyoone uu 20m ka dhaliyey Nuune Xuseen Abti-doon ka dib waxaa ruxmay garoonkii oo idil, sawaxan ka badan kii Elman taageerayaashooda ayaa dhacay, waxayna sababtu ahayd taageerayasha B/telcom oo garab ka helayey kuwa SITT Daallo oo last game beri la ciyaaraya Heegan rajana ka lahaan karey hadii Elman laga adkaado. Iyaguna Heegan ka badiyaan.

ELMAN dhowr weerar ayey qaaday wixii goolka lagu bareejeeyay ka danbeyey.waxaana xusid mudan kubad gool loo filan karey oo daqiiqadii 85-aad uu si dirqi ah ku bixiyey goolhaye C/weli Khanyare (GAATAMOW) oo ka mid ah goolhayasha ugu wanaagsan tartanka, si kastaba 1-1 ayey ku idlaatay ciyaarta waxaana halkii ka bilowday dabaal dega taagerayaasha Elman Fc oo aad u xamaasadeysnayd mudana sugayay iney ku soo laabtaan hanashada horyaalka oo ay horey ugu guuleysteen 4-jeer iminkana xareystay kii 5-aad.

Waxaa halkii lagu bixiyey bilado iyo Koobkii 1aad oo Elman la siiyey.halka sida uu sheegay Gudoomiyaha xiriirku abaal marinada guud lagu bixinayo xaflad marka uu dhamaado horyaalka oo dhowr kulan kaliya ka hareen.

Biladaha waxaa si wadajira xidigaha Elman Qoorta ugu surayey Gudoomiyaha GOS Aaden X.yabarow ( Wiish) Ku-xigeenkiisg Duraan Axmed Faarax. Gudoomiyaha Xiriirka & ku-xigeenkiisa Said Muganbe iyo Cali Said Guled iyo Dr Cabdi Ibraahim (Dr Jiiyaa) oo ah Madaxa ururka caafimaadka X.s.k.c.

Xiriirka kubadda cagtu ayaa si weyn loogu amaani karaa Dadaalka ay u soo galeen qabashada horyaalkan,walow ay hore ugu guuleysteen horyaalada heerarka 3-aad 2-aad tartanka dugsiyada iyo koobkii taarikhiga ahaa ee gobolada.hadana horyaalka 36-aad heerka 1-aad waxaa uu ahaa mid loo dhabar adaygay marka la eego xaalada muqdisho ay iminka ku sugan tahay iyo tirada shacabka u heelan sport iyo nabad oo qaarkood uga imaanayey daawashada horyaalka degmooyin fog fog muqdisho, Ceelasha Biyaha,Lafoole. Afgooye,warshiikh.darmooley.balcad oo dhamaan ka tirsan gobolada Sh/hoose iyo Sh/dhexe.
　


C/xafiid C/samad Zaciimka

Cell: 2526-1-5517722

zaciimka02@hotmail.com