Ciidamada nabad sugida dowlada Soomalaiya ee kusugan degmada Afgooye ee gobolka Shabeelada Hoose ayaa gacanta kusoo dhigay sarkaal sare oo katirsana maamulka Alshabaab ee gobolkaasi. Sarkaalka gacanta lagu soo dhigay ayaa magaciisa lagu sheegay Cisman kaasi oo ku magacawnaa sida lasheegay gudoomiyihi maxkamada degmada Afgooye ee maamulka Alshabaab.

Sarkaalka laqabtay oo diiday inuu warbaahinta lahadlo ayaa waxa uu saraakiisha dowlada hortooda ka qirtay inuu kacafis dalbaayo dhamaan umada Soomaaliyeed gaar ahaan dadka reer Afgooye oo uu kadalabaday iney cafiyaan wixi tacadi oo ugeestay.

Howlgalka lagu soo qabtay sarkaalkani ayaa waxa uu qeyb kayahay howlgalo xiriir ah oo ay ciidamada dowlada kawadaan gudaha degmada Afgooye ee gobolka Shabeelada Hoose.

Ciidamada ayaa xabsiga utaxaabay kudhawaad shan boqol oo ruux kuwaasi oo lala xiriirinayo Xarakada Alshabaab iyadoo sidoo kalena lagu wado in dhawaan maxkamad lasoo taago dadkani sii loo kala saaro .

Inkastoo ciidamada nabadsugida dowlada Soomaaliya ay howlgal dad lagu qab qabanayo ay kawadaan gudaha degmada Afgooye ayaa hadana waxa jiro in wili qeybo katirsan deegaano hoostaga degmada ay si toos ah ujoogaan dagaalyahano taageersan ururka Alshabaab kuwaasi oo jidka ugala wafuuda dowlada ee ku kala goosheysa wadada udhaxeyso Muqdisho iyo Afgooye