Magacyada iyo Qabiilada golaha wasiirada cusub ee Soomaaliya

1 Fowziyo Yuusuf Xaaji Aadan Ra'iisul Wasaare kuxigeenka ahna Wasiirka Arrimaha Dibada (Beesha Dir/isaaq)

2 C/llaahi Abyan Nuur Wasiirka Garsoorka iyo Arrimaha diinta iyo awqaafta(Beesha Dir/Biyo maal)

3 C/xakiin Xaaji Maxamuud Xaaji Fiqi Wasiirka Gaashaandhiga (Beesha Raxwayn/Digil)

4 Axmed Maxamuud Xasan Wasiirka Wasaarada Qanacsiga iyo Warshadaha iyo Maalgeshiga (Beesha Raxanweyn /Mirifle)

5 C/risaaq Cumar Maxamed Wasiirka Wasaarada Kheyraadka Badda (Beesha Hawiye/Xawaadle)

6 C/kariin Xuseen Guuleed Wasiirka Arrimaha Gudaha iyo Amniga Qaranka (Beesha Hawiye/H/gidir)

7 Maxamuud Xasan Suleymaan Cawil Wasiirka Maaliyada iyo Qorsheynta Qaranka (Daarood/Majeerteen)

8 C/llaahi Ciilmooge Xirsi Wasiirka Wasaarada Warfaafinta iyo Isgaarsiinta Beesha Daarood,Ogaadeen)

9 Muxiyadiin Maxamed Kaalmoy Wasiirka Howlaha guud iyo dib u dhiska (Beesha Shanaad / Jareerweyne)

10 Maryan Qaasim Wasiirkii Hormarinta adeega bulshada (Beesha Shanaad/Banaadiri)

Tobanka xubnood ee uu soo magacaabay Ra’iisal Wasaare Cabdi Faarax Shir-doon (Saacid oo badankood ah kuwo cusub ayaa waxaa haween ka ah 2 ruux. Xubnaha la magacaabay oo 9 ka mid ah ay joogeen goobta lagu magacaabay ayaa waxaa la horgeyn doonaa Baarlamaanka Soomaaliya si loo ansixiyo.

Xubnahan Wasiirrada ah ee uu soo magacaabay Ra’iisal Wasaare Saacid ayaa waxay aad uga yar yihiin xubnaha golihii wasiirrada ee loo soo magacaabi jiray xukuumadihii horay u soo maray Soomaaliya, inkastoo kuwaasi ay ahaayeen kuwo kumeel gaar ah.

Madashii lagu magacaabay Wasiirradan waxaa ka hadlay Madaxweynaha Soomaaliya Xasan Shiikh Maxamuud oo sheegay in wasiirradan aan tirada badneyn aysan ahayn kuwo ay rabitaabkooda ku soo xuleen balse ay u arkeen kuwo xilka loo magacaabay gudan kara, ”Waxaan leenahay wasiirkii xilka loo magacaabay guta, waa mahadsan tahay dadkaaga iyo dalkaaga ayaana wax u qabatay, midkii aanan waxba qabanna waxaan leenahay naga raali ahaw".

Madaxweynaha Soomaaliya Xasan Shiikh Maxamuud ayaa 7-dii bishii hore ee Oktoobar Ra’iisal Wasaare u magacaabay Cabdi Faarax Shir-doon (Saacid, kaasi oo 17-kii isla bishaas ka helay Baarlamaanka Soomaaliya kalsooni buuxda oo ra'iisal wasaaarenimadiisa lagu ansixiyay.

Dadka Soomaaliyeed ayaa si weyn u dhowraya waxa ay qabato dowladda cusub ee Soomaaliya oo wax badan ka duwan dowladihii Soomaaliya loo soo dhisayay tan iyo wixii ka dambeeyay markii ay burburtay dowladdii dhexe ee Soomaaliya.