XISBIGA DIMOQRATIGA BANADIR WUXUU SI ADAG U CAMBAARAYNAYAA QARAXA WUXUUSHNIMADA LAGU LAAYAY SHACAB SOOMAALIYEED EE MASAAKIINTA AH OO MAALIN KASTA U SOO HOWL TAGO SI AY NOOL MAALMOODKOODA U HELI LAHAAYEEN, XDB WUXUU U ARKAA QARAXAAN MID ARXANDARRO AH EE KA FOG ISLAANIMO SOOMAALINIMO IYO BINI’AADANIMO.U JEEDADA LAGA LAHAA QARAXAANI WUXUU AHAA IN BULSHADA KU NOOL MAGAALADA MUQDISHO LA GELIYAA CABSI IYO ARGAGAX, MAS’UULIYIIN KA TIRSANA DFS LAGU KHAARIJIYO, AJAANIIBTANA EE DALKA KA HOWLGALALAGU ARGAGIXIYO SI AY U JOOJIYAAN CAAWINADA AY U FIDIYAAN SHACABKA SOOMAALIYEED.

XISBIGA AAD IYO AAD AYUU UGU XUNYAHAY DHIBAATAAN JOOGTA AH EE LOO GEESANAYO SHACABKA KU NOOL MAGAALADA MUQDISHO HASE AHAATEE MAS’UULIYADDA KOOWAAD WAXAA LEH DFS OO AAN AWOODI KARIN IN AY SHACABKEEDA DIFAACDO HAYSANINA NIDAAM QORSHEESAN AY UGU HORTAGI LAHAYD CADAWGA DOWLAD DIIDKA AHI.WAXAAN U ARAGNAA DFS IN AY TAHAY MID IYADA ISKU DHAXYAACSANOO AYSAN KA DHAXAYNIN WADASHAQAYN IYO ISWARGELIN HA’YADAHA DOWLADANA AY DHAMAAN KAWADA GAABIYEEN IN AY SUGAAN AMNIGA DALKA GAAR AHAANA TAN CAASIMADDA.WAA NASIIB DARRO IN DOWLADDA MAANTA JIRTO EE LAGA FILANAAYAY IN AY WADDANKA KA SAARTO DHIBAATADA 22KA SANO JIRSATAY AY KU SOCOTO WADADII AY KU FASHILMI LAHAYD MIDAA AY SABAB U TAHAY MAAMUL XUMADA KA JIRTO CAASIMADDA MUQDISHO HA AHAATO MIDDA GOBOLKA AMA TAN DFS.CAASIMADDA MUQDISHO MARNA LAGAMA YAABO IN AY NABAD IYO AMNI HIIGSADO IYADOO AAN SI DHAB AH OO GEESINIMO LEH LOO WAJIHIN QALADAADKA IYO CADAALAD DARADA KA JIRTO, SHACABKA REER BANADIR MARNA OGOLAAN MAAYO WADA SHAQAYN BUUXDA OO DHAB AH IN UU LA YEESHO DFS IYADOO MARKA HORE TIXGELININ XAQQA IYO XUQUUDA AY LEEYIHIIN SHACABKA U DHASHAY GOBOLKA BANADIR, WAA FIKRAD QALDAN IN SHACABKA REER BANADIR LA WEYDIISTO WADA SHAQAYN ISLA MARKAANA LA DUUDSADO XAQOODI.
WAXAAN HALKAAN DFS UGU SOO JEEDINAYNA:

1) IN SHACABKA U DHASHAY MAGAALADA MUQDISHO LOOGA DAMBEEYO MAAMULKA GOBOLKA BANADIR AWOODNA U LAHADAAN IN AY SAMEESTAAN MAAMUL TAYO LEH KU DHISAN NIDAAM IYO KALA DEMBEEN CUSUB.
2) IN MAAMULKAANI UU NOQDAA MID KA MADAX BANAAN FARAGELINTA DFS OO MAANTA AH CAQABADA UGU WEYN EE HAYSATO CAASIMADDA.
3) IN MAXKAMADDA GOBOLKA BANADIR AY HOOS YIMAADIIN MAAMULKAANI.

INTAASI WAA CODSI XAQ AH EE SOOMAALIDA U DHALATAY GOBOLKA BANADIR U GUDBINAYAAN DFS ANAGOO RAJAYNAYNO IN CODSIGAAN UU HIRGALO SABABNA BERRI U NOQDO IN CAASIMADDA MUQDISHO AY NOQOTO CAASIMAD LAGU NEGAADO.