laakiin waxaa lagu qasbay inay isku shaandheyn ku sameeyaan kooxdooda madaama ay kaliya 2-1 ku garaaceen Fiorentina. Waxaa mar kale kulankaan lagu ciyaaray Stadio Nereo Rocco ee ku yaala Triesta madaama garoonka Caglairi ee Sant’Elia ay weli ku socoto dayactir.

100 ilbiriqsi markii ay socotay ciyaarta goolhaye Michael Agazzi ayaa faraha foodooda kubad kaga bixiyay Yuto Nagatimo, waxaana uu sidoo kale kubad kale ka badbaadiyay Fredy Gaurin.

Agazzi ayaana mar kale kubad ka bixiyay Guarin kubad uu soo dhisay Ishak Belfodil. Ricky Alvarez ayaa isna si ciriiri ah kubad xoogan goolka ku dulmariyay, laakiin sidoo kale Cagliari ayaa iyadana fursad heshay markii kubad madax aheyd uu galay Mauricio Pinilla iyo Counter-attack uu sameeyay Victor Ibarbo. Mauro Icardi ayaa bedelay Belfodil qeybtii labaad, iyadoo Alvaro Pereira uu kubada shabaqa dhex dhigay laakiin goolkiisa waa la diiday madaama inta uusan dhalin goolka ka hor qalad la dhigay.

Inter ayaana ugu danbeyn hogaanka ciyaarta qabatay daqiiqadii 75aad, iyadoo Nagatomo uu ka baxsaday dabinta offside-ka islamarkaana karoos uu soo dhigay uu madax ku dhaliyay Mauro Icardi. Cagliari ayaase nasiib ku barbareeyay markii kubad uu tuuray Radja Nainggolan ay ku dhacday Rolando taasoo dabamartay Handanovic. Waxaana ay ciyaarta ku dhamaatay barbaro 1-1 ah, waxaana ay ka dhigan tahay in Inter ay haatan ku jirto kaalinta afaraad iyagoo leh 14 dhibcood, waxaana ay labo dhibcood ka hooseeyaan kooxaha hogaanka haya ee Napoli iyo Juventus.

Dhanka kale, Lazio ayaa barbaro 2-2 ah kala kulantay kooxda ku cusub xilli ciyaareedkan Serie A ee Sassoulo. Lazio ayaa labada gool ku hormartay oo ay u kala dhaliyeen Goncalves Andre Dias iyo Antonio Candreva. Laakiin Sassoulo ayaa gadaal ka soo dagaalantay islamarkaana barbareysay iyagoo uga mahadcelineysa goolal ay u kala dhaliyeen Ezequiel Schelotto iyo Antiono Floro Flores. Lazio ayaana ku jirta kaalinta 6aad iyagoo leh 10 dhibcood.