Xiddiga khadka dhexe ee Man City Fernandinho ayaa la sheegayaa inuu kusoo laaban doono kooxdiisa kulanka xiisaha badan ee ay la qaadan doonaan Champions League kooxda Barcelona, sida laga soo xiganayo warar soo baxaya.
Xiddiga reer Brazil ayaa dhaawac muruqa ah soo gaaray ka hor kulankii guuldarada 1:0 ah kasoo gaartay kooxda Chelsea habeenkii Isniinta,
waxayna natiijadaas soo afjartay Rikoorkii 100% ahaa ee ay City ku haysatay gurigeeda.

Manuel Pellegrini ayaa sheegay Talaadadii in Fernandinho garoomad ka maqnaan doono sadex ilaa Afar Asbuuc, taas oo la micno ahayd inuu seegi
doono kulanka FA Cup ee ay mar labaad soo dhowayn doonaan Chelsea iyo kulanka Champions League ee Barcelona.

Hadaba sida laga soo xiganayo *The Telegraph*, waxa la rajaynayaa in Fernandinho dib usoo laabto ka hor kulanka City la qaadan doonto kooxda
Barcelona wareega 16ka ee Champions League.

Waxaana lugta hore lugu balansan yahay Etihad Stadium marka taariiqda ku beegan tahay February 18keeda.


Source: Kooxda