Madaxda ugu sareysa dalka ayaa ku sugan garoonka diyaaradaha Aadan Cadde waxaana la filayaa in daqiiqado kadib uu garoonka ka soo dego meydka. iyadoo isla maanta aas qaran loogu sameeyndoono Muqdisho.

Ammaanka magaalada Muqdisho ayaa si weyn loo adkeeyay, inta ay socoto munaasabadda aaska qaran ee loo sameynayo R/wasaarihi hore marxuum C/risaaq Xaaji Xuseen.

Madaxweyne Xasan Sheekh, R/wasaare C/weli Sheekh, gudoomiyaha Baarlamanka, wasiirro, Xildhibaanno, mas’uuliyiinta maamullada gobollada dalka iyo dadweyne aad u farabadan ayaa ka qeybgalaya aas’ka Qaran ee loo sameeynayo R/wasaarihii hore C/risaaq Xaaji Xuseen.

Cutubyo ka tirsan ciidamada qalabka sida ayaa ku sugan garoonka waxeyna si hab maamuus qiiro leh uga qeyb qaadanayaan aaska qaran ee maanta loo sameeynayo R/wasaarihii horee ee Soomaaliya.

Dhanka kale waxa dibada garoonka Aadan Cade lagu celiyay ilaaladi gaarka aheed ee madaxweynaha puntalnd mudane Gaas kadib marki ee amar buuxa siiyeen Ciidamada AMISOM oo ah kuwa gacanta kuhaayo amaanka guud ee garoonka.

Inkastoo ciidamada Gaas oo kaliya aan la celina ayaa sidoo kale waxa la hakiyay ilaaladi dhamaan mas'uuliyiinta katirsan dowlada Soomaaliya marka laga reebo sadex Mas'uul ee ugu sareeso dalka