Xalay Magaaladda Muqdisho ee Caasimada Dalka Soomaaliya waxaa ka dhacay weeraro kala duwan kuwaa oo lagu weeraray qeybo kamid ah dagmooyinka Gobolka banaandir Weeraradaani ayaa waxaa lala eeganaye fariisimaha ciidamada Dowladda iyo kuwa nabad sugidda Amison ayadoona dagmooyinka xalay weeraradu ka dhaceyn ay kamid tahay Dagmada wardhiigley oo hada loo yaqaano "Warta nabadda" Dagmada Hodon , Xamar weyne  iyo xarunta madaxtooyada Villa Soomaaliya  kuwaa oo lagu weeraray Madaafiic cul-culus.

Afayeenka dhinaca  howl-galla Al-shabaab Abuu  Muscab ayaa mar uu lahadlaye warbaahinta ku hadasho afkooda ayaa waxa uu sheegay in ay fuliyeen weeradii xalay iyo kuwa kale oo ka dhacay goboladda dalka asagoona tilmaamay in ay ku qaarijiyeen saraakiil sar sare oo ka tirsan Dowladda Fidraalka Soomaaliya.

Dhanka kale ma jiraan wax faah-faahin ka baxshay weeraradii xalay ayadoona ila lagu kalsoonyahay ay sheegayaan in dhowr madaafiic ay ku dhaceen Madaxtooyada wallow aan la xaqiijin karin qasaaraha dhabta ah ee ka dhashay madaafiicdaasi.

Sikastaba Magaaladda Muqdisho ee Caasimada dalka ayaa mudooyinkaan danbe waxaa ka dhacaye weeraro iyo qaraxyo isdaba joog ah kuwaa oo ay geesanayaan Al-shabaab ayadoona xaalka magaaladda uu noqonayo mid hoos u sii dhacayo dadkana ay muujinayaan cabsi xoogan.