Badbaadiya Baddeenna (Gabay) W/Curiyey Axmed Sh. C/laahi Faarax (Cag-Madhige)‏

0
Saturday January 23, 2016 - 03:26:02 in Wararka by Xarunta Dhexe
  • Visits: 2784
  • (Rating 0.0/5 Stars) Total Votes: 0
  • 0 0
  • Share via Social Media

    Badbaadiya Baddeenna (Gabay) W/Curiyey Axmed Sh. C/laahi Faarax (Cag-Madhige)‏

    Gabaygan Waxa uu soo baxay 14-nov-2015, waxaa curiyey Axmed Sh.C/laahi Faarax (Cag-Madhige), Waxa uu gabaygu ka hadlayaa badda soomaaliya oo la damacsanyahay in laga iibiyo dalka kenya. Ka Bogosho Wacan:

    Share on Twitter Share on facebook Share on Digg Share on Stumbleupon Share on Delicious Share on Google Plus

Gabaygan Waxa uu soo baxay 14-nov-2015, waxaa curiyey Axmed Sh.C/laahi Faarax (Cag-Madhige), Waxa uu gabaygu ka hadlayaa badda soomaaliya oo la damacsanyahay in laga iibiyo dalka kenya. Ka Bogosho Wacan:


1: Nimanyohow ba’dii gabay beryahan waanigaan bogane.

2: Ma bayaamin maansooyinkaan buuni ku ahaaye.

3: Warka xalay baddii iiga baxay baan bul soo idhiye

 

4: Keenyaa dhulkii biicsatoo, bixisay laaluushe.

5: Imminkana war buuxaa dorraad iiga soo baxaye.

6: Calankii buluuggay dheheen waa beddelaynaaye.

 

7: Baddeennii ayay boobtayoo, jaratay baal wayne.

8: Baad bay ku qaateen dhul aan beerna ugu oole.

 

9: Badaw aan iimaan badan lahayn baa ka biicsadaye.

10: Been buu ku dhaartoo, dalkii burundigii siiye.

11: Isagaa ku ba’ayoo xaq buu meel ka buuxsadaye.

 

12: Keenyana bilaash bay rabaan inay na baadaane.

13: Markay bililiqaysteen haddaan cidi la baawaysan.

14: Haddaan ciidan badan loo kaxayn horayna loo beegsan.

15: Caqligood ba’yoow waxay dheheen, waa lagaa baqaye.

 

16: Bartoodii ma joogine horay uga boqooleene.

17: Beled-xaawo goortay tageen buu bartaa degaye.

18: Birihii xuduudkuu la tagey oo lasoo baxaye.

19: Darbi bay bineeyeen sidii gudaha baarliine.

 

20: Buur bay dhisaayaan haddaan beerka loo dhigane.

21: Belel iyo haddii aan la siin dhuxulo boodaaya.

22: Dalkii baaxadda lahaa runtii waa la baabi’ine.

 

23: Haddaan baadhno taariikhda oo buugta lagu laabto.

24: Beri buu dalkeennuba lahaa gudo ballaadh wayne.

25: Badankiisi keenyuu jiraa, bixinna maayaane.

 

26: Xabashina badh bay qaadatoo baaqi kuugu ahe.

27: Waxa baylahdaa inaga dhigay biritan weeyaane.

28: Ilaahay ha baabi’iyo waa dawlad baadi ahe.

 

29: Beri baa dalkeennuba lahaa boolis xoog badane.

30: Beri buu lahaa baarri iyo ciidan aan baqine.

31: Beri buu banaadiiq lahaa boobayaal culuse.

 

32: Beri buu buruud iyo lahaa wiilal beer adage.

33: Beri buu adduunyada badhkeed bilicda dheeraaye.

34: Beri buu badrool iyo lahaa ilaha baasiine.

 

35: Beri buu bariis iyo lahaa mooska loo bogaye.

36: Beri buu lahaa boorash iyo baradho waaweyne.

37: Beri buu lahaa beero uu badar ku yaallaaye.

 

38: Beri baa adduunyada badhkeed biilal loo raraye.

39: Markii ay abaaruhu badeen gaajo iyo baabba’.

40: Baabuur bariisiyo marbaa baasto loo diraye.

 

41: Beri bay bulshada caalamkuba booqashow timiye.

42: Beri buu warshado baaxadliyo, biraha soo saaray.

43: Beri buu rasaastiyo bundukha meel ku wada beeray.

 

44: Beri buu itoobiya ba’shoo belelku qiiqaabay.

45: Taariikhda beri buu bulshada baalcad kaga yaallay.

46: Beri buu ku biiroo ku jiray, dunida baarkeeda.

 

47: Beri buu lahaa baasaboor aan dadkuba baadhin.

48: Beri buu dalkuu soo bax dhaho ay ka baqayeene.

49: Beri buu ahaa baarqabkaa geela baacsada’e.

 

50: Siyaad baa bartaa inagu furay oo nasoo bidhaye.

51: Ilaahay ha barakeeyo oo naar ha kaga baajo.

52: Guri baahsan eebbow jannada uga binee wiilka.

 

53: Niman baa burburiyoo ka dhigay goob dagaal badane.

54: Habeenkoo badh tagey baa rasaas bawda la hayaaye.

55: Boqollaal qof baa dhimanayoo maalin baaba’a e.

 

56: Haddeeraa ilaah naga baxshoo nabaddu soo boodday.

57: Aqoon barashadii iyo haddaa khayrka loo baxaye.

58: Haddeeraa iskuulladu bateen oo dadkii barane.

59: Haddeeraa bayaankii la helay keenya nagu boobtay.

60: Baddii iyo dhulkii iyo haddaan buurtii soo celine.

 

61: Bulsha-weynta soomaaliyeey badaha soo booqda.

62: Berriga iyo buuraha tagoo dhulalka soo baadha.

63: Inta uu badkeennii ahaa muruq kusoo booba.

 

64: Haka baqina keenyana dulliga waa is baraynaaye.

65: Baaruud kulayl iyo sun baan baabbah kaga siine.

66: Bakhti baan ka dhigaynaa sidii bahalo neef qaatay.

 

67: Waxba gabayga badin maayo ee waan ballamayaaye.

68: Baddu waa arzaaq uu ilaah inagu biilaaye.

69: Idinkaa lahaayoo badh baa haatan kaa baxaye.

70: Nimanyohow ka boodoo kufriga baal isaga tuura.

71: Yaan la ina baacsane dadyohow kenya wada beega.

72: Idinkoo hal beel oo kalaa kenya wada beega.

73: Iyagaa baqaayee ragoow kenya wada beega.

74: Afka iyo gacmaba soo baxshoo kenya wada beega.

75: Oday baxar ah, iyo wiil yarow kenya wada beega.

76: Baddeennana kasoo dhiciya oo baal kasta u dhaafa.

77: Ilaahayna waa inoo bakhtiin gaalka bayrta lehe.

Mahadsanidiin.

Akhrise hoos kadhiibo fikirkaaga


Leave a comment

  Tip

  Tip

  Tip

  Tip

  Tip


Like Us on Facebook
Heads up: The Warshekh network is getting ready to show off a new look!

27/02/2024 - 20:26:19 | Visits: 394

(Ogeysiis) Shabakada Warsheekh oo dhawaan yeelaneeso naqshad cusub!

27/02/2024 - 18:41:48 | Visits: 421

Madax sare oo kulug yeelatay dilka ganacsade lagu dilay Muqdisho

27/02/2024 - 16:21:16 | Visits: 500

Largest Military Drill by US Commences in East Africa

27/02/2024 - 16:03:51 | Visits: 456

Police in Mogadishu Detain Female Trader and Brother in Connection with Fatal Stabbing

27/02/2024 - 16:03:51 | Visits: 531

Locals Report "Raging" Clashes in Ethiopian Region

27/02/2024 - 16:03:51 | Visits: 535

God kusoo dumay Soomaali Qodeesay Dahab

26/02/2024 - 14:35:39 | Visits: 418

EU Emphasizes Continued Support for Somalia's Sovereignty in Dialogue with President Mohamud

25/02/2024 - 22:02:33 | Visits: 752

Dhaqan caadi kanoqday qurbaha, kaas oo ah in hooyada lasoo dhoweysto, aabbahana la fogeeyo. W/Q Sabriye Musse.

25/02/2024 - 19:16:54 | Visits: 555

Arrival of Russian Grain Shipment Embraced by Zimbabwe

25/02/2024 - 11:59:17 | Visits: 499

Video Updates

Mahad Salaad "Shirkoole halgankii Xuriyadda"

Taariikhda Quruxda badan ee Warsheekh

Muuqaal Taariikhda Warsheekh

Ogow Sumcad dilka lagu haayo Islaamka

More Video Updates
Sheekooyin
Keydka Sheekooyinka
Maqaallo
Maqaallo Kale
Featured
More Featured