Kadib markii uu afhayeenka cusub ee ururka Al-shabaab ku amaray idaacadaha Muqdisho inay ugu yeeraan magacaas ama ay magacooda u daayaan ayey idaacadahu qaateen amarka Afhayeenka oo ay ururka Al-shabaab ugu yeereen magaca Xarakada Shabaab Al-mujaahidiin.

Idaacadaha ayaa si aan laablaab laheyn ugu hogaansamay amarka Al-shabaab oo wixii markaa ka dambeeyey waxay ku dhawaaqayeen magaca saxda ah ee ururka Al-shabaab ee ah Xarakada Shabaab Al-mujaahidiin.

Cali Dheere afhayeenka Al-shabaab ayaa ku eedeeyey idaacadaha inay iibsan yihiin oo ay u adeegayaan wax uu uu yeeray cadowga Ilaahay, waxaana uu uga digay in hadda kadib aysan ururka Al-shabaab ugu yeeri karin magac aan kaas aheyn.

Warbaahinta Muqdisho gaar ahaan idaacadaha ayaa horey uga madax adeegay amaro ay siiyeen saraakiil katirsan Al-shabaab oo ahaa inay ugu yeeraan magaca, lamase oga waxa xiligaan ku soo beegay inay s toos ah ugu hogaansamaan amarka uga yimid urruka Al-shabaab.