Ma Dhabaa In Ciidamada Booliska DFKMG Soomaaliya La Geynayo Suuqa Bakaaraha !!

Visits: 905
(Rating 0.0/5 Stars) Total Votes: 0
0 0
Share via Social Media

Ma Dhabaa In Ciidamada Booliska DFKMG Soomaaliya La Geynayo Suuqa Bakaaraha !!

Taliska Ciidamada Booliska Soomaaliyeed ayaa daboolka ka qaaday inay Ciidamo Ilaaliya Suuqa Bakaaraha oo Boolis ah ay u sameynayaan, kadib markii ay sheegeen in Ciidankii wardiyeen jiray suuqaasi ay kala eriday Xarakada Al-Shabaab waa sida ay hadalka

Share

Taliska Ciidamada Booliska Soomaaliyeed ayaa daboolka ka qaaday inay Ciidamo Ilaaliya Suuqa Bakaaraha oo Boolis ah ay u sameynayaan, kadib markii ay sheegeen in Ciidankii wardiyeen jiray suuqaasi ay kala eriday Xarakada Al-Shabaab waa sida ay hadalka u dhigeenee.

C/llaahi Xasan Bariise Afhayeenka Ciidamada Booliska ayaa daboolka ka qaaday inay Suuqa Bakaaraha u samaynayaan Ciidamo Boolis ah oo suga ammaanka Suuqaasi, oo uu sheegay in Ilaaladii uu lahaa Suuqaas ay kala eryeen Kooxaha Dowladda ka soo horjeeda.

Afhayeenka Booliska ayaa sheegay in dalka aanay ka jirin labo Dowladood, wuxuuna sheegay in ay Ciidamo u samaynayaan Suuqaasi Bakaaraha, si ay u sugaan Amnigiisa.

"Waxaan ciidamo Boolis ah geynaynaa Suuqa weyn ee Bakaaraha si ay ula wareegaan ammaanka Suuqa, waayo nimankii naga soo horjeeday ayaa kala diray Ilaaladii uu suuqa lahaa jiray"ayuu yiri C/llaahi Xasan Bariise oo sheegay in ilaaladii hore ee Suuqaasi in laga qaatay Hubkii ay wadan jireen.

Afhayeenka Booliska ayaa ku eedeeyay Kooxaha ka soo horjeeda Dowladda inay lacago baad ah ku soo rogeen ganacsatada Suuqa, ayna u hanjabeen Ganacsatada waawyn ee Suuqa waa sida uu yiriye Afhayeenka Booliska .
Dhanka kale waxaan weli ka hadlin hadalkaasi ka soo yeeray Dowladda KM ah ee Soomaaliya kooxaha Mucaaradka ah, lamina oga sida ay Ciidanka Booliska ugu suurtagelayso inay Ciidamadooda ammaanka Suuqa bakaaraha uga shaqayn lahaayeen.