Baarlamaanka Somaaliya oo maanta dib u eegis ku sameynaya xeer hoosaadka

Visits: 747
(Rating 0.0/5 Stars) Total Votes: 0
0 0
Share via Social Media

Baarlamaanka Somaaliya oo maanta dib u eegis ku sameynaya xeer hoosaadka

Xarunta Golaha baarlamaanka Soomaaliya ayaa maanta ka furmaya kulan ay isugu imaanayaan Xildhibaanada, waxaana kulankaasi oo uu shir guddoominayo Guddoomiyaha Golaha Baarlamaanka Prof. Maxamed Sh. Cusmaan Jawaari la sheegay in looga hadlayo ajandeyaa

Share

Xarunta Golaha baarlamaanka Soomaaliya ayaa maanta ka furmaya kulan ay isugu imaanayaan Xildhibaanada, waxaana kulankaasi oo uu shir guddoominayo Guddoomiyaha Golaha Baarlamaanka Prof. Maxamed Sh. Cusmaan Jawaari la sheegay in looga hadlayo ajandeyaal ay ka mid yihiin go'aano horay uga soo baxay baarlamaanka oo ay ku laaleen qodob ka mid ah xeer hoosaadka Golaha.

Qodobka xeer hoosaad Baarlamaanka oo Xildhibaanadu ku laaleen kulankii kan ka horeeyay ayaa ku saabsanaa in Madaxweynaha uusan kala diri karin Golaha Baarlamaanka, kaasi oo cod aqlabiyad leh ay ku ansixiyeen Xildhibaanada Baarlamaanka.

Xoghayaha Golaha Baarlamaanka Xildhibaan Maxamed Cumar ayaa sheegay in kulanka maanta uu yeelanayo Golaha Baarlamaanka uu daba joogo kulankii kan ka horeeyay, wuxuuna tilmaamay in kulankaasi ay dib ugu eegayaan qodobo ay horay u laaleen.

Ma sheegin Xoghayaha Baarlamaanka in qodobkaas dib looga laabanayo iyo in kale, hase yeeshee waxa uu carabaabay in guud ahaan kulanka maanta looga hadlayo xeer hoosaadka Baarlamaanka, iyadoo warar kale oo soo baxaya ay sheegayaan in laga cabsi Xildhibaanada Baarlamaanka inay ku laalaan qodobo kale oo iyaga ka hor imaanaya.