SAXAFIYIINTA SOOMAALIYEED MAXEY U SABABEYNAYAAN DILALKA LOO GEESANAYO, MEEQO AYEESE HAATAN MARAYAAN WARIYAASHA LA DILAY {waa warbixin ka hadleysa inta wariye ee lagu dilay Somaliya iyo arimaha loo sababeynayo waxa ka Danbeya Dilkooda} Waxaa Xilligaani haatan la joogo taagan wal wal iyo walaac calool Xummo oo ay Bulshada qaarkood ka qabaan Dilalka bareerka ah ee lagu hayo wariyaasha soomaaliyeed oo sanadaani danbe noqonaya kuwa ugu badan ee lagu dilo aduunka dacaladiisa dhamaan.

 

Waxaana la dareemayaa in uu jiro Cirib tir lagu doonayo in la Ciribtiro saxaafadda Xurta ah ee soomaaliyeed, laguna amaanay in ay u horseedeen Hormar aan la dabooli karin, intii ay jireen, haba u badnaatee Xilliyada Abaaraha iyo Dhibaatooyinka ka yimaada Dunida kale.

 

Lama garan karo asbaaha keenaya in mar waliba Dil barer ah loo geysto wariyaasha Soomaaliyeed oo ay nuuqato in ay ku shaqeynayaan xaalad aad u adag oo laga dareemayo Wadaniyad nabad lagu dhaliyo, waxaase muuqda oo kaliya dabar-goyn lagu hayo sidii in ay yihiin cudur dadka ku dhacay oo laga cirib tirayo.

 

Mushkilada taagan oo maanta mudan in laga haddlo ayaa ah maxaa keenay in lagu Dillo adooga oo mudan in mudnaan lagu siiyo?

 

Sabab ayaa ka danbeysa mar waliba oo ay wax dhacayaan mana jirto sabab la’aan markii laga reebo shil Dhacay.

 

Saxaafadda Soomaaliyeed oo ah mid ku shaqeysa heerka ugu adage e xaalad amaan daro sameysatayna farsamooyinkii ugu danbeeyay ee wax loogu gudbiyo Bulshada soomaaliyeediyad oo ayna bad baadsanayaan naftooda.

 

Dadka Qabiirka ku ah arimaha Saxaafadda ayaa markii ay ka hadlayaan Dilalka loo geysanayo u sabeeya arimo faro badan oo ay ku sheegayaan in loo dilo wariyaasha Soomaaliya ka howlgala, iyadoo ay ku sheegaan in ay u horeyso Xarakada Al-Shabaab oo dhaliilsan qaabka ay u shaqeeyaan una yaqaanaan in au yihiin kuwo Calooshood u shaqeysta ah.

 

Sidoo kale waxaa loo sababeynayaa in ay jiraan qaar ka tirsan wariyaashii la Dilay ay ka danbeeyeen gacano qarsoon oo ay warihu ku Xiray in uu been ka baahinayo amaba uu siiyo lacagta loo yaqaano laaluushka, waxeyna sababeyntaasi noqotay mid dhibaateynayo Shareafka saxaafadda Xurta ah ee soomaaliya ayna sheegeen dad dano qaas ah leh.

 

Waxaa hadalkaasi ka hor imaanaya in ay Jiraan wariyaal gabdho iyo wiilal isgu jira oo ajanabi ah oo dhul aan dhulkooda ahayn lagu dilay Gaar ahaan Magaalada Muqdisho, marka mala oran karaa Wariyaashaasi ajaanib ah ayaa iyagana lagu dilay sharuud ay Masuuliyiin ku Xireen?.

 

Ka Gudub intaasi oo dhan waxaa jiro arimo badan uu qofka Maskaxdiisa ku qiyaasan karo, waxaadna ka mid ah wax yaabaha in la qiyaasto la doonayo arimo ay ka mid yihiin inta Wariye ee la Dilay waxey ahaayeen Xilliga la Dilayay kuwa dhex lugeynaya wadooyinka dhexdooda isla markaana laga yaabo in loosoo hanjabay loona sheegay in la dilidoono.

 

Wax waliba Sabab ayaa ka danbeysa in ruux loo hanjabayna uu soo dhex istaago wadada dhexdeedana sabab ayaa ka danbeysa, laakin waxaa is weydiin ah waa maxay sasbata keentay in adiga oo ogaal ku ah in la doonayo in lagu dilo aad Misna iska dhex lugeyso wadada dhexdeeda.

 

Taasi ugu horeen waxaa ku eedeysan Maamulka Warbaahinada iyo Milkiilayaasha Xarumaha Warbaahineed oo iyaga mushaar ahaan ruuxa waraiyaha ah ee taagan heer la Beegsado naftiisa uusan waxba ka soo qaadan markii uu sheego in loo hanjabay, iyadoo ay Xilligii uu u sheegay ay ku shah cabaan oo kalaiya.

 

 

 

Eeda labaad ayaa waxaa iska leh Wariyaasha haatan Shaqeeya oo aan aqoon u laheyn sida ay tahay goobta ay ka shaqeeyaan iyo naftooda qiimaha ay ku fadhido, iyadoo ay si weyn ugu qaldanyihiin in ay ku shaqeeyaan Mushaar Xitaa aan dhameyn gaari raacooda iskaba daay markii ay hanjabaad la kulmaan Sahay in ay uga soo baxdo Mushaaraadkooda.

 

Waxaa in laga hadlo aad muhiim ugu ah in wariya Ajniba ah loona soo diray in uu Soomaaliya Howlka soo qabto uu sharuud ku xero hey’adda uu markaasi ka howlgalo, maxaa keenay sababta keentay sharuudaasi waase maxay sharuudu.

 

Sababta keentay ayaa ah in ay dalka soomaaliya u aqoonsanyihiin Aduunweynaha meel si aad ah loogu beegsado Wariyaasha, taasina uu cabsi ka qabo wariyahaasi, maruuda uu ku xerayo ayaa ah marka in ay hey’adaasi hormariso mag uu ku qiyaasayo haddii ay wax soo gaaran.

 

Waxaa meeshaasi kaaga soo baxaya in Wariyaasha Soomaaliyeed gaar ahaan kuwa ku sugan Muqdisho ay mar waliba Qatar ku jiraan oo ay ku dhex lugeynayaan, waxaana keentay labo arin oo kala ah in ay heysan Mushaar ku Fila nee uu ka helayo Hey’adda uu ka Howlgalo isla markaana uusan awoodin in uu iibsado Gaari u gaar ah, iyo in uusan aqoon u laheyn qiimaha ay naftiisa ugu fadhiso Bulshada Soomaaliyeed.

 

Waatahay waxaan warbixintaan ku soo bandhigayaa wariyaasha lagu Dilay dalka soomaaliya oo iskugu jira Soomaali iyo Ajnabi waqtiyadaani ugu danbeeyay ee uu dalka soomaaliya ku jiray Xaaladda Amaan daro, waxaana idin ka raali galinayaa in aad raali ka Noqotaan haddii ay jiraan Wariyaal aan ka tagay.

 

Waxaan ka Bilaabayaa Liiskani Abwaan Warsame Shire Cawaale oo ay kooxo Hubeysan ku Dileen Magaalada Muqdisho, kaasoo ka Mid ahaa Abwaanada Xilligaan Jira ee Curinayay Sugaano iyo erayo Nabadda lagu soo Celinayo.

 

Waxaana sanadkaan oo kaliya ay wariyaasha la dilay noqonayaan 18 wariye oo intooda Badan ahaayeen kuwo lugeynayay wadada Dhexdeeda.

Sanadkii 2012.

1. Oct. 29-2012 Muqdisho ayaa lagu dilay Abwaan Warsame Shire Cawaale oo ka tirsanaa qeybta Majaajilada ee Radio Kulmiye.
2. Oct. 28-2012: Maxamed Maxamuud Tuur Yare ayaa Muqdisho ugu Geeriyooday Dhaawac Loogeystay Dartii.
3. Oct. 23: Laascaanood ayaa lagu dilay Ahmed Saakin Farah, oo wakiil wareed TV-ga Universal ugu ahaa Gobolka Sool.
4. Sept. 28-2012: Muqdisho ayaa lagu dilay Ahmed Abdullahi Fanah, oo ahaa Wariye u shaqeynayay Wakaalada Wararka ee Yemen SABA.
5. Sept. 27-2012: waxaa Muqdisho laga helay Meydka Wariye Abdirahman Mohamed Ali oo madaxa ka go’an oo ahaa wariye qora Ciyaaraha ama Sportiga.
6. Sept. 21-2012: Muqdisho ayaa lagu dilay Hassan Yusuf Absuge, oo u shaqeynayay Idaacada Maanta
7. Sept. 20-2012: Muqdisho ayaa lagu dilay Abdirahman Yasin Ali oo ahaa agaasimaha Radio Xamar ayaa ku geeriyooday weerar is qarxin ah.
8. Sept. 20-2012: Muqdisho ayaa lagu dilay Abdisatar Daher Sabriye oo ahaa wariye ka tirsan Radio Muqdisho ayaa ku geeriyooday weerar is qarxin ah.
9. Sept. 20-2012: Muqdisho ayaa lagu dilay Liban Ali Nur, oo ahaa madaxa wararka Telefishinka Qaranka, iyo Radio Muqdisho ayaa ku geeriyooday weerar is qarxin ah
10. Agust 11,2012, Muqdisho waxaa lagu dilay Mahamud Ali Buneyste,freelance
11. Aug. 12-2012: Muqdisho ayaa lagu dilay Yusuf Ali Osman, oo ahaa wariye rug cadaa ah oo ka tirsanaa Wasaarada Warfaafinta.
12. July 31-2012:: Abdi Jeylani Malaq (Marshaale), Muqdisho ayaa lagu dilay oo ahaa majaajiliiste ka Tirsan Idaacadda Kulmiye.
13. May 23-2012: Muqdisho ayaa lagu dilay Ahmed Addow Anshur oo ahaa Barnaamij soo saare Idaacada Shabelle
14. May 2-2012:: Gaalkacyo Muqdisho ayaa lagu dilay Farhan Jeemis Abdulle.
15. April 5-2012:: Baladweyne ayaa lagu dilay Mahad Salaad Aden, oo ahaa wariye u soo waramayay Idaacada Shabelle.
16. March 4-2012:ayaa la Dilay Ali Ahmed Abdi oo ahaa wariye ka shaqeynayay Radio Galkacyo.
17. Feb. 28-2012:: Muqdisho ayaa lagu dilay Abukar Hassan Mohamoud oo ahaa Agaasimihii Idaacadii Somaliweyn magaalada Muqdisho.
18. Jan. 28-2012: Muqdisho ayaa lagu dilay Hassan Osman Abdi oo ahaa Agaasimihii Idaacada Shabelle.

Sanadkii 2011.

1. August 4, 2011, Muqdisho ayaa lagu dilay Farah Hassan Sahal, oo ka Tirsanaa Radio Simba Muqdisho.
2. December 18, 2011, Muqdisho ayaa lagu dilay Abdi salan Sheikh Hassan Xiis , oo ka tirsanaa TV-ga HCPTV.

Sanadkii 2010.

1. May 4, 2010, Muqdisho ayaa lagu dilay Sheikh Nur Mohamed Abkey, oo ka Mid ahaa qabiir saxaafadeed kana howlgala Radio Mogadishu.
2. August 24, 2010, Muqdisho ayaa lagu dilay Barkhat Awale, ka Tirsanaa Hurma Radio.
3. August 31, 2010, Muqdisho ayaa lagu dilay Abdullahi Omar Gedi, oo ka Tirsanaa Radio Daljir.

Sanadkii 2009.

1. January 1, 2009, waxaa lagu dilay Afgoye Hassan Mayow Hassan, Radio Shabelle
2. February 2, 2009, muqdisho ayaa lagu dilay Said Tahlil Ahmed, HornAfrik
3. May 22, 2009, muqdisho ayaa lagu dilay Abdirisak Mohamed Warsame, Radio Shabelle
4. May 26, 2009, waxaa lagu dilay magaalada baladweyne Nur Muse Hussein, Radio IQK
5. June 8, 2009, waxaa lagu dilay magaalada muqdisho Mukhtar Mohamed Hirabe, Radio Shabelle
6. July 4, 2009, waxaa lagu dilay magaalada muqdisho Mohamud Mohamed Yusuf, Radio IQK
7. December 3, 2009, waxaa lagu dilay magalada muqdisho Abdulkhafar Abdulkadir, freelance
8. December 3, 2009, waxaa lagu dilay muqdisho Mohamed Amin, oo ka Tirsanaa Shabelle Media Network.
9. December 3, 2009, waxaa lagu dilay Mogadishu Hassan Zubeyr, oo ka Tirsaa TV-ga Al-Arabiya.

Sanadkii 2008

1. January 28, 2008, waxaa lagu dilay Kismayo Hassan Kafi Hared, Somali National News Agency
2. June 7, 2008, waxaa lagu Kismayo Nasteh Dahir Farah, BBC-somali

Sanadkii 2007

1. February 16, 2007, waxaa lagu dilay Baidoa Ali Mohammed Omar, Radio Warsan
2. May 5, 2007, waxaa lagu dilay Galkayo Mohammed Abdullahi Khalif, Voice of Peace
3. May 16, 2007, waxaa lagu dilay Jowhar Ahmed Hassan Mahad, Radio Jowhar
4. May 16, 2007, waxaa lagu dilay Jowhar Abshir Ali Gabre, Radio Jowhar
5. August 11, 2007,waxaa lagu dilay magaalada muqdisho Mahad Ahmed Elmi, Capital Voice
6. August 11, 2007, ayaa muqdisho lagu dilay Ali Sharmarke, HornAfrik
7. August 24, 2007, waxaa lagu dilay Bardera Abdulkadir Mahad Moallim Kaskey, Radio Banadir
8. October 19, 2007,ayaa muqdisho lagu dilay Mogadishu Bashiir Noor Gedi, Radio Shabelle.

Sanadkii 2005

1. June 5, 2005,waxaa lagu dilay Afgoye Duniya Muhyadin Nur, Capital Voice

Sanadkii 2003

January 24, 2003, waxaa lagu dilay Baidoa Abdullahi Madkeer, DMC Radio

Sanadkii 2000

January 26, 2000, waxaa lagu dilay muqdisho Ahmed Kafi Awale, Radio of the Somali People

Dhanka kale waxaan idiin Soo gudbinayaa qaar ka mid ah Wariyaasha ajaaniib ahaa ee lagu Dilay Soomaaliya Gaar ahaan magaalada Muqdisho.

Sanadkii 2011

September 2, 2011, muqdisho ayaa lagu dilay Noramfaizul Mohd, Bernama TV

Sanadkii 2006

June 23, 2006, waxaa lagu dilay Mogadishu Martin Adler, freelance.

Sanadkii 2005

February 9, 2005, waxaa lagu dilay muqdisho Kate Peyton, BBC

Sanadkii 1995

February 9, 1995, waxaa lagu dilay Muqdisho Marcello Palmisano, RAI

Sanadkii 1994

March 20, 1994, waxaa lagu dilay Muqdisho Ilaria Alpi, RAI-3 Television

March 20, 1994, waxaa lagu dilay muqdisho Miran Krovatin, RAI-3 Television

August 31, 1994, waxaa lagu dilay Baidoa Pierre Anceaux, freelance

Sanadkii 1993

June 18, 1993, waxaa lagu dilay muqdisho Jean-Claude Jumel, TF-1

July 12, 1993,waxaa lagu dilay muqdisho Hosea Maina, Reuters

July 12, 1993, waxaa lagu dilay muqdisho Dan Eldon, Reuters

July 12, 1993,waxaa lagu dilay muqdisho Anthony Macharia, Reuters

July 12, 1993, waxaa lagu dilay muqdisho Hansi Krauss, Associated Press.

Iyadoo intaani iyo in kabadan laga Dilay saxafiyiinta Soomaaliyeed ayaa haddana waxaad sii arkeysaa in ay wali ka tashan la yihiin oo aysan yeelaneyn wax kulan ah oo ka soobaxa natiijo yar oo lagu bad baadinayo wariyaasha soomaaliyeed.

 

Qoom waliba waxaa lagu yaqaanaa in ay ka tashadaan sidii ay uga bixilahaaayeen haddii ay ku timaado dhibaato, balse waxaa is isku mid ah noqday wariyaasha maamulada iyo Mil;kiilayaasha Warbaahineed kuwa wada Hurda oo aan laheyn waxa dhaq dhaqaaq ah ay kaga hortagaan kooxa Sida qodaxda oo kale u siibaya wariyaasha.

 

Gaba Gabo

 

Waxaa ogaal lagu yahay in Bulshada Soomaaliyeed ay wal wal ka qabaan dilalka loo geesanaya iyo in ay Dowladda Soomaaliya ka jiifto wax ka Qabashada Dilalka bareerka ah ee ku dhacaya Mar waliba Saxaafadda Soomaaliyeed.

 

Ugu danbeentii waxaan Walalaheyga Saxafiyiinta isla nahay ku waaninayaa in ay Feejignaan Muujiyaan oo aysan yareysan Dhibaatada lagu haayo Wariyaasha iyo waliba in uu wariyaha ogaado qiimaha uu Bulshada u leeyahay, waxaana lama huraan ah in ay timaado isku duubni Guud oo u dhaxeysa Saxaafadda Soomaaliyeed oo idil.

Waxa Diyaariyay,
Wariye, Abdi Shiine Moalin)