Hiba Nuura ayaa waxaa garoonka kusoo dhoweeyay Mas'uuliyiin, Fannaaniin iyo qeybaha bulshada, waxaana imaansha fannaanada ay ka danbeysay casuumaad uu Maamulka Gobolka Banaadir u fidiyay Fannaaniin ay ka mid tahay Hiba Nuura. Fanaanada caanka ah Hiba Nuura ayaa sheegtay inay ku faraxsan tahay inay dalka dib ugu soo laabato muddo sanado ah kadib, iyadoo intii ay hadleysay indhaheeda ka soo daadanayay ilin, waxaana codkeeda ahaa mid aad u qiireysan oo laga dareemayay farxad.

Hiba-nuura-xamar-4
"Waxaan aad ugu faraxsanahay in dalka aan ku soo noqdo oo aan arko hawadii macaaneyd ee Muqdisho, runtii waan u hiloobay, aan mar’uun Soomaaliyeey hishiino oo aan la soo baxno Kheyraadkeena oo aan hodanka ka nahay marka loo fiiriyo Afrika, Allow dal Nabad ah, dadka oo u dareera dugsiyada oo dhiga Hubka , allow nabad Allow Nabad"ayay tiri Hiba Nuura.


Hiba Nuura waxay ka mid aheyd Fannaaniinta laf-dhabarka u ee Hoboladii Waaberi, waxayna mudooyinkan danbe ku nooleed qurbaha.