Chelsea ayaa Southampton ku marti gilineysa kulan qeyb ka ah wareegga 13-aad ee horyaalka Ingiriiska iyadoo Southampton ay xilli ciyaareedkaan soo bandhigayaan heer ciyaareed wanaagsan halka Chelsea doonayaan in ay sii baacsadaan kooxda hogaanka haysa ee Arsenal.
Weeraryahanka kooxda Southampton ee Rickie Lambert laba kulan ayuu soo taabtay shabaqa kooxda Chelsea xilli ciyaareedkii la soo dhaafay .

Frank Lampard 4-gool ayuu ka dhaliyay 5-tii kulan ee ugu dambeeysay ee uu ka hor tagay Southampton horyaalka Ingiriiska .
Shabaqa Southampton 7-gool ayaa soo taabatay 11-kii kulan ee ugu dambeeyay ee ay ku soo ciyaareen banaanka garoonkooda isla markaana qeyb ka ahaa horyaalka Ingiriiska .

Xaaladda Chelsea ka dib 12- wareeg oo horyaalka Ingiriiska ah waxa uu la mid yahay xaalkoodi xilli ciyaareedkii hore iyo tababare Roberto Di Matteo (7-kulan waa ay badiyeen, 3- bar bar dhac ayay galeen laba kulanna waa laga badiyay) balse Roberto Di Matteo shaqada waa laga eriyay ka dib wareegii 12-aad .

Chelsea guul darro kuma aysan qabsan garoonkooda 15-kii kulan ee ugu dambeeyay ee horyaalka Ingiriiska , 12-kulan waa ay badiyeen halka 3-kulan ay galeen bar bar dhac.



Source: Laacib.so