Kadib marki maalinimadi sabtigi si rasmi ah gacan kuheynta degmada Warsheekh ula wareegeen ciidamo katirsan militariga dowlada Soomaaliya isla markaana fariisin kasameesteen daafaha xarunta degmada ayaa waxa soo kordhaya warbixinada la xiriiro arintaani. Degmada Warsheekh ee gobolka shabeelada Dhexe oo tan iyo marki alshabaab laga sifeeyay magaalada Muqdisho eheed mid maamul la’aan ah oo marba cidi doonto ee soo booqan jirtay hasa yeeshe fariisinka cusub ee ciidanka dowlada kasameesteen gudaha iyo daafaha degmada Warsheekh ayaa ka dhigay mid ee macsalaameeyeen dadka reer Warsheekh oo baqdin badan ka qabay soo rogaal celin Alshabaab.

Majirto wax dhaq dhaqaaq balaaran ah oo ciidanka dowlada ay kawadaan gudaha degmada Warsheekh hasa yeeshe waxa lagu arkaya gudaha degmada ciidamo kulabisan dareeska dowlada oo gaaf wareegaya goobaha ganacsiga degmada.

Dhanka kale wararka aanu ka heleeno degmada Cadale ee isla gobolka Shabeelada dhexe ayaa sheegaya kadib qabsashadi ciidamada dowlada ee degmada Warsheekh in halkaasi isaga baxeen ciidamadi shabaabka ee kusugnaa degmada Cadale.

Degmada Cadale ayaa iminka ah maamul la’aan iyadoo shabaabki mudada dheer katalinayay gabal dhici maalinti sabtiga uu isaga baxay degmada, sidaana waxa Shabakada Warsheekh usheegay goob jooge magaciisa kagaabsaday .

Warar hoose oo aan la xaqiijin ayaa sheegaya in shabaabki kusugnaa Cadale iyo daafaha degmada Warsheekh ee isku aruursadeen Deegaanka Raaga Ceele ee gobolka Shabeelada dhexe halkaasi oo la tuhunsan yahay iney kuleeyihin mid kamid ah saldhigooda uguweyn ee gobolka.

Marjirto wax war ah oo kasoo baxay dhanka ururka Alshabaab oo la xiriiro dibugurashada ee ka sameeyeen degmooyinka muhiimka u ahaa Alshabaab.

Degmooyinka Warsheekh iyo Cadale oo ah laba degmo oo mataano ah isla markaana taariikh fog kuleh fidinta diinta Islaamka ayaa waxey tan iyo sanadki 2009-ki astaan unoqdeen dadka iyo culimada kunool degmooyinkaasi tacadiyo isugu jiro boob iyo caga jugleen joogta ah iyadoo had iyo jeerna lagu tilmaamayo dadka deegaanadaani iney yihiin kuwa aan diinta waxba ka aqoon .

Imaamyada Masjiyada, Culuma’udiinka iyo dhamaan qeybaha kala gedisan ee bulshooyinka kunool degmooyinkaani ayaa waxa kasoo booday neef weyn iyagoo iminka dareemayo xurnimo iyo nabad kunoolaansho .

Hasa yeeshe arinta saameenta culus leh ayaa ah baqdin laga qabo in ciidanka dowlada ee iminka usoo jiheestay dhanka degmooyinka Warsheekh iyo Cadale iney dib uga laabtaan sida marar badan oo hore uga sameeyeen qaar kamid ah degmooyinka dalka .

Madaxda dowlada Soomaaliya ayaa looga fadhiyaa iney isu taagaan samatabixinta shacabkooda mudada dheer dhibaatada xoogan lagu hayo kuwaasi oo kunool nolol walwal iyo ciriiri ah .