Siyaarada Sheekh Aweys Thani oo sanad waliba xiligaan oo kale lagu qabto xarunta sheekha ee degmada Xamar jajab ayaa waxa uu socday qur’aan aqriska siyaarada Sadex maalin iyadoo galabta maanta ahna lagu soo qatimay banaanbax aad ubalaaran oo siweyn uga soo qeybgaleen jameecaadka Ahlu Daruuqu Suufiyah.

Xilqooyinka Dikriga sida Axmediyada, Rufaaciyada, Uweysiyada iyo Seyliciyada ayaa la oogay iyadoo sidoo kale ee bar bar socdeen xilqooyinka dikriga, Subacyada Qur’aanka kariimka oo ee soo xaadireen mucalimiin iyo ardayda dugsi Qur’aanka magaalada Muqdisho.

Gaba gabadi Siyaarada ayaa waxa duco kusoo qatimay saaxibul Sijaadaha Dariiqada Qaadiriya Asayid Sheekh Axmed Sheekh Aweys Sheekh Muxyadiin Sheekh Aweys.

Qudubka Dariiqada Qaadiriya Sheekh Axmed ayaa duco dheer oo ruxday qalbiyada mucashaqiinti kasoo qeybgalay Siyaarada Sheekha, isagoo gaba gabadina Caalamu islaamka gaar ahaan umada Soomaaliyeed eebe uga baryay inuu qalbiyadooda isu soo dumo, isagoo faray sheekha in umada Soomaaliyeed meel kasta ee joogaan ee qabsadaan Xariga Alle iyo daacadiisa.

Jawiga siyaarada ayaa waxa uu kusoo gaba gaboobay si qurux badan iyo farxad camimtay qalbiyada dadki kasoo qeybgalay oo dhan.

Axmed Sheekh Abuukar
Magaalada Muqdisho
E-Mail: warsheekh10@hotmail.com