Dagaalka ayaa la sheegayaa inuu haatan ka socdo magaalada gudaheeda, waxaana la sheegayaa in ciidamada Al-shabaab ay la wareegeen Xaafadda Howlwadaag ee degmadaasi kadib markii ay halkaasi dagaalo goos goos ah kula galeen ciidamada dowladda KMG ah ee Soomaaliya.
 
Wararku waxa ay sheegayaa in iminka uu halkaasi uu weli dagaal qaraar uu ka soconaayo, iyadoo al-shabaab ay weli gacanta ku hayaan xaafadda Howlwadaag ee magaalada B/weyne, waxaana la sheegayaa in Ciidamada dowladda ay iyana weli dagaal ku wadaan kooxaha ka soo horjeeda.

 Dhinaca kale ma jirto wax ilaa iyo hada ka hadlay dagaaladaasi, inkastoo dadka magaalada Baladweyne qaarkood ay ka barakaceen xaafadahooda, iyadoo la sheegayo in dagaalka uu hada socdo weli.

Sidoo kale waxa wili shaki weyn ka jiraa sheegashada dowlada ay sheegatay gacan kuheynta Degmada B/burte iyadoo wararka qaarna sheegayaan in halkaasi dagaalo ka socdaan wili