Shir aad u u balaaran oo ay kasoo qeybgaleen waxgaradka, aqoonyahanada culumaa’udiinka, dhalinyarada & haweenka jaaliyadda Waceysle ee UK ayaa lagu qabtay malaagadala London.

Maxamed Xaaji Cali

qaar ka mid ah dhalinyarada qabanqaabisay kulanka

Kulan oo ay soo qabanqqabiyeen naadiga dhalinyarada waceysle ee UK ayaa waxaa ujeedada kulankaasi uu ahaa, mideynta Beelweynta Waceysle, & ka saarista madmadowyada, iyadoo halkaasi la isku dhaafsaday aragtiyo kala duwan oo ku aadan sidii loo xoojin lahaa midnimada beesha.

Kulan ayaa waxaa ka horeeyay kulamo kale oo uu hormuud ka ahaa Maxamed Xaaji Cali oo ka mid ah aqoonyahanada beesha, ahaana mid ka mid ah mas’uuliyiintii xilalka kasoo qabtay dowladdii Madaxweyne Maxamed Siyaad Barre, isagoo xilalkii uu soo qabtayna ay ka mid ahaayeen Gudoomihii Bankiga Dhexe ee Soomaaliyeed.

qaar ka mid ah dhalinyarada qabanqaabisay kulanka

Kulamadaas oo hor dhac u ahaa kulankan Balaaran ee la qabtay 24-kii Agoosto 2008 ayuu Mudane Maxamed Xaaji oo ku nool Mareykanka wuxuu kulamo gaar gaar ah  lasoo yeeshay jilibyada beesha ay ka koobantahay, isagoo kasoo bilaabay kulamo uu sheegay inuu lasoo yeeshay beesha cali-gaaf oo uu kula kulmay dalka Swedan iyadoo ugu dambeyntiina lagu balamay in kulankan la iskugu yimaado si loo falanqeeyo arimo fara badan oo kala gedisan oo ay ugu muhiimsaneyd Mideynta Beesha, ka saaridda madmadowga.

Aaydo quraan ah oo shirka lagu furay kadib, waxaa hadalkii qaatay Mudane Maxamed Xaaji Cali oo halkaasi qudbad uu ka jeediyay ugu horeyn u mahadceliyay dhalinyaradii isku xilqaantan isku keenista dadkii shirka kasoo qeybgalay, iyo sidoo kale kasoo qeybgalayaasha oo uu mahad balaaran usoojeediyay, isagoo dhinaca kalena ka warbixiyay ujeedooyinka uu u yimid UK oo uu ku tilmaamay inay aheyd sidii loo soo celin lahaa sharaftii & karaamadii beeshu ay ku dhexlaheyd bulsho weynta Soomaaliyeed, iyadoo sidoo kale la baadi goobayo guud ahaan mideynta Beelaha Abgaal, Mudulood, Hawiye ilaa Soomaali laga gaarayo.

Mudane Maxamed Xaaji waxa uu qudbadiisa ku qeexay inuusan dan gaar ahaaneed ka laheyn howshan ama ha ahaato mid xubin baarlamaan ama mid wasiir intaba, isagoo gunta barnaamijkiisa ku tilmaamay inay tahay sidii looga bixi lahaa qabyaaladda loona gaari lahaa Soomaalinimo, taasoo lagu gaari karo in bulshada si hoose looga soo dhaadhiciyo wanaagga Midnimada.

Ugu dambeytiina wuxuu ugu baaqay guud ahaan Beesha waceysle inay u guntadaan sidii loo gaari lahaa Midnimo & Soomaalinimo, lagana dheeraado Xaasidnimo, Ninjecleysi, Xubin-bursi taasoo uu ku tilmaamay inay dadka sii kala dheereyn karto, isagoo ugu duceeyay dhamaan ummadda Soomaaliyeed inuu dhibaatada ka dulqaado.

Mudane Maxamed Xaaji Cali wuxuu ugu dambeyntii ka codsaday beesha waceysle inay soo xushaan beelwalbaba  qof u hadlo kasoo fikirka beeshooda  ka dhiibanaya sida ay u arkaan howshan.

Waxaana u kala hadlay beelaha Waceysle  Cumar C/laahi oo u hadlay beesha Haarun, Dhagax tuur oo u hadlay Jabraa'iil, Prof Ciise Max'ud Xalane oo u hadlay C/raxman Salaybaan, Aaden Wardheere oo u hadlay Absuge,Yaasiin Bulsho oo u hadlay Max'ed cade, Maxamed januuni oo isna u hadlay Eybakargaab iyo Marrooyin, Ibrahim Axmed oo igana u hadlay Dhagaweyne, Muxudiin Baroodo oo u hadlay Faqay, Corlnell Gocoso oo u hadlay Caligaaf, Cisman Xaaji Jimcaale oo u hadlay Tolwene Macalin iyo Maxamed Isma'il (Mohamed Eeboow) oo Norway ka yimid oo isna fariin kasiday xubnaha beesha ku dhaqan scandanevianka, kaasi oo qudbad kooban halkaasi ka jeediyay.

Maxamed Ismaaciil (Maxamed Eebow)

Waxaana dhamaan intii meesha ka hadashay isku raaceen inay taageersanyihiin guud ahaan ujeedada shirka.

Cusmaan Xooshey oo ka mid ah naadiga Dhalinyarada Waceysle ee UK oo xiriirinayay kulankan ayaa ka dhawaajiyay in Waceysle guddoonsaday ayidaadda shirkan, waxa uuna sheegay in loo baahanyahay in Beelwaliba inay soo magacowdo xubin u mataleysa guddi ka shaqeeya Midnimada Beesha Waceysle oo ah beel ka tirsan Beelaha Mudulood.

Waxaana halkaasi ay beel walba ku magacowday qofka gudigaas uga mid noqonaya, Gudigii goobta lagu magacaabay waxay kala ahaayeen:

  1- Dr C/qaadir Wehliye (Marrooyin)

  2- Dr Abuukar Max'ed Max'ud(dhagaweyne

  3- Prof, Ciise M Xalane ( C/raxmaan Suleymaan)

  4- C/qadir Muxudin Raage Dhagaxtuur (Jabraa'iil)

  5- Maxamed Siyid Cumar (Maxaa-Cade)

  6- Muxudin Baroodo (Faqay Cumar)

  7- Saciid Cali Madoobe (Cali-gaaf)

  8- Bile Abshir (Eybakargaab) 

  9- Cumar C/lahi(Haarun)

10- Aden Wardhere (Absuge)

& Tolweyne Macalin oo sheegay inay dib kasoo magaacbi doonaan xubinta uga mid noqon doonta gudigaas.

Kulankan ayaa waxaa si weyn loogu mahad celiyay Dhalinyaradii qabanqaabisay kuwaas oo ay ka mid ahaayeen: