kulan diimeedkaan oo sanadkiiba mar lagu qabto xarunta Shiikh Cabdi Celi oo ku taal Degmada Warshiikh ee Gobolka Shabeelaha Dhexe, Waxaa ka soo qeyb galay dhamaan culumaa'udiinka Ahlu Sunnah Waljamaac gaar ahaan culimada Dariiqooyinka Sida Qaadiriyada,(Uweysiyo Seyliciyo) Axmadadiyo Saalixiyo, Rufaaciyo,iyagoo isaga kala yimideen dhamaan gobolada dalka Soomaaliya ayaa waxaa halkaasi qudbooyin baraarujin ah ka soo jeediyay qaar ka tirsan culumaa'udiinka Soomaaliyeed ee kulankaas ka qeyb galay.

kulankan ayaa sidoo kale waxaa fariin guud loogu diray shacabka Islaamka ah, gaar ahaan kuwa Soomaalida ah gudaha iyo dibada in ay ka fogaadaan waxyaabaha sababi kara dunuubta iyo fawaaxishada iyo waliba duco ay Masha'iqda U duceeynayaan Islaamka oo dhan gaar ahaan Soomaalida.

Mashaa’iqda ka soo qeeb gashay xuska ayaa waxa ka mid Shiikha Saxibul sijaajaha Dariiqada Qaadiriyada Somaliya ee dhawaan geeriyooday alaah u naxariisto Shiikh Aweys Shiikh Muxidin (Sh. Aweys Thani).
Sh. Axmed Sh. Max’ed Xasan (sh: Axmed gabale).
Sh: Max’ed Macalin Xasan.
Sh. Shanyaalow Sh: Max’ed Nuur Macalin( Luqman) oo ka mid ah mashaa'iqda waaweyn ee Soomaaliyeed isla markaana ka mid ah mashaa'iqda ka diin qaaday shiikheena weyn SH. C/raxman Sh. Cumar (Sh. Cabdi Celi) ayaa dhamaan u duceeyeen shacabka soomaaliyeed inuu alle- ku hagaajiyo waddada toosan, waxayna sidoo kale Masha’iqdu sheegeen in loo baahanyahay in umadda Islaamku ay is walaashadaan ayna isu jeclaadaan si Ilaah-Dartii ah.