Ra'isul wasaarihi hore ee Soomaaliya ayaa waxa uu daaha kaqaaday hadal heyn in mudo ah ay bulshada isla dhax mareysay taasi oo sheegaysay in xildhibaanka uu udiyaar garoobayo inuu markale kamid noqdo madaxda hogaamineyso dalka gaar ahaan jagada ugu sareyso ee madaxweynaha mustaqbalka Soomaaliya.

Ra’iisul wasaarihii hore ee Soomaaliya wuxuu sheegay in Soomaaliya ay ka jiraan saddex cadow oo kala ah: argagaxiso, burcad-badeed iyo musuqmaasuqa. Isaogo sheegay inuu yahay murshax u taagan xilka madaxnimo ee Soomaaliya uuna saddexdaas cadow la dagaali doono haddii la doorto.

"Anigu waxaan ahay murashax u taagan qabashada xilka Qaranka, mana doonayo inaan salaadiinta Soomaaliyeed iraahdo hebel xildhibaan iiga dhig ha isoo doortee, taasna xaaraan ayay iga tahay, siyaasiyiinta Soomaaliyeedna sidaas oo kale ayaa laga doonayaa," ayuu yiri.

Prof. Geeddi ayaa intaas ku daray in laga gaabiyay dhismaha ciidamada xoogga dalka, isagoo ku booriyay dowlada soo socota inay xoogga saarto sidii ay u dhisi lahayd ciidammo ay yeelato Soomaaliya.

"Ciidan Qaran oo Soomaaliyeed oo aan la dhisin yaan lagu riyoon in Soomaaliya ay nabadi ka dhalato oo sharcigii iyo kala-dambeyntii ay soo laabato," ayuu yiri ra’iisul wasaarihiii hore ee Soomaaliya.

"Ciidamada AMISOM ee hadda dalka ku sugan waxaaan ahaa mas’uulkii wax ka qaban qaabiyay heshiiskii ay dalka ku galeen waxna ka saxiixay. Waa loo baahan yahay balse baahida loo qabo ma ahan mid joogto ah ee waa mid KMG ah," ayuu yiri Prof.Geeddi.

Sidoo kale, ra’iisul wasaarihii hore ee Soomaaliya wuxuu hadalkiisa ku daray in siyaasaddii lagu heshiiyay ay ahyayd in la dhiso ciidammo Qaran inta ay AMSIOM joogto, isagoo xusay in taas laga gaabiyay, isagoo sheegay in Soomaaliya ay dhibka uga baxayso iyadoo hesha ciidan xoog leh oo Soomaaliyeed.

Cali maxamed Geedi ayaa ra'isul wasaare ka ahaa xukuumadi uhoreysay ee Magaalada Muqdisho gaar ahaan aqalka madaxtooyada Soomaaliya xafiis kasameestay tan iyo bur burki qaranka Soomaaliya oo laga joogo Labaatan sano iyo dheeraad.