Xildhibaannada Baarlamaanka Federaalka Soomaaliya ayaa maanta magaalada Muqdisho ku yeelanaya kulan ay ku ansixin doonaan xeer hoosaadka Baarlamaanka uu ku shaqeynayo, ayado hore doodo xiriir ahaa ay Mudanayaasha Baarlamaanku arintaasi ka yeesheen. Xildhibaan Maxamed Cumar oo ka mid ah Xogheynnada Baarlamaanka Federaalka Soomaaliya oo ayaa ka waramay kulanka ay maanta Mudanayaasha Baarlamaanku ku ansixinayaan xeer hoosaadka.

‘’Ajandaha kulanka baarlamanka maanta waxa uu yahay ansixinta heersaadka Baarlamanka oo dooddiisu ay socotay todobaadyadii la soo dhaafay, ansixinta xeer hoosaadkana waxaa ku xiran dhismaha guddiyada Baarlamanka iyo arrimo kale oo muhin u ah habsami u socodka howlaha Baarlamanka’’ ayuu yiri Xildhibaan Maxamed Cumar.

Kulanka Baarlankanka ee maanta ayaa qeyb ka ah kulamada kalfadhiga Koowaad, iyadoo la filayo in lagu ansixiyo xeerhoosaadka Baarlamanka.