Warkan oo ah mid aanan aad loo sii faah faahin ayaa waxaa lagu sheegay inay ciidamadaani ay ka soogalayaan dhanka Dowlada Ehtiiopia, gaar ahaan xuduudka uu gobolka baay la leeyahay Kililka shanaad ee ismaamulka somalida ee ethiopia, waxaana la sheegay inay ciidamadaana ay kusoo galayaan dalka safar dhanka Lug ta'ah(gawaari).

Mas'uul ka tirsan wasaarada-gaashaan-dhiga ee DFKMS oo uu xiriir la sameeyey warsidaha caalamiga ee mareeg.com xafiiskiisa baydhabo diidayna in magaciisa la sheego ayaa xaqiijiyey imaan shaha ciidankani wuxuuna ms'uulku intaasi raaciyey inay ciidankani ay isugu jira Boliis iyo Milatari.

Mas'uulka ayaa sheegay inay ciidamadani kusoo tababarteen wadama UGANDA&Ethiopia, wuxuuna
intaasi ku daray in ciidankani ay ka howl galayaan magaalada muqdisho.

Mus'uulka ayaa mar aanu weydiinay inta ay tirada ciidanka dhan tahay ayaa ku jawaabay"Waa howl ciidan oo lama sheegi karo balse waa ay badan yihiin" wuxuuna intaasi raaciyey inay ciidankani badankoodu kusoo tababarteen wadanka Ethiopia.

Mas'uulka ayaa sidoo kale ka gaabsadey inuu noo xaqiijiyo waqtiga ay dalka imaanayaan ciidankani wuxuuna sheegay inay iyaduna tahay howl milatari.

Ciidamada ku soo taba bartay wadanka ugandha ayaa ah kuwo u badan boolis waxayna soo gaareen wadanka ethiopia dhamaadkii bishii hore ee Juun, waxaana magaalada Addis ababa loogu sameeyey xaflado kaladuwan oo ay u sameeyeen jaaliyada somalida ee Ethiopia.

Wararkale oo hoose oo aan helnay ayaa waxa ay sheegayaan inay ciidankani u badan yihiin ciidankii ka tirsanaa Guutadii Afraad ee bur burtay,kadib markii laga saaray magaalda xeebta kutaal ee kismaayo.