Gabayga:5AAD "Sama baxa" ee Silsiladda Dabargooynta Qabyaaladda

0
Monday June 16, 2014 - 11:10:06 in Maqaallo by Web Admin
  • Visits: 2011
  • (Rating 0.0/5 Stars) Total Votes: 0
  • 0 0
  • Share via Social Media

    Gabayga:5AAD "Sama baxa" ee Silsiladda Dabargooynta Qabyaaladda

    Gabayga Shanaadee ee silsiladda "Dabargoynta Qabyaaladda"Silsiladdan dabargooynta qabyaaladda ayaa ah Silsilad suugaaneed ay isu xilqaameen, Dhallinyaro Soomaaliyeed oo aqoonyahano,Ardey iyo waxgaradba isugujira oo kala jooga adduunyada daa

    Share on Twitter Share on facebook Share on Digg Share on Stumbleupon Share on Delicious Share on Google Plus

Gabayga Shanaadee ee silsiladda "Dabargoynta Qabyaaladda"Silsiladdan dabargooynta qabyaaladda ayaa ah Silsilad suugaaneed ay isu xilqaameen, Dhallinyaro Soomaaliyeed oo aqoonyahano,Ardey iyo waxgaradba isugujira oo kala jooga adduunyada daafaheeda.

Silsiladdan ayaa ah Silsilad Suugaaneed lagula dagaallamayo Cudurka dilaaga ah ee la hadhay umadda Soomaaliyeed guri iyo Gobol ay joogtaba, Suugaanta ayaa waxaa la doonayaa inay horseed ka noqoto kacdoon ka dhan ah QABYAALADDA iyo in lagu wacyigeliyo bulshada Soomaaliyeed oo ay qabyaaladdu wiiqdey wadajirkooda iyo wada noolaanshahooda, Silsiladda ayaa ah mid hal ujeedo ka mideysan oo aysan jirin sidii lagu yaqaanay Silsiladdaha Suugaanta aragtiyo kala duwan, balse silsiladdan ayaa ah hal DAWO oo la wada doonayo iyo Cudur caafimaadkiisa la wada goobayo.

Gabay weliba xaladiisa ayuu leeyahay Hal abuur weliba ku cabiro Aragtidiisa dhibkeeda iyo qaabka loo dabargooyn karo, iyo sida looga badbaadi karo, Silsilladan ayaa waxay ka billaabatey Baraha xidhiidhka bulshada ee loo yaqaan "FACEBOOK" Golayaal Suugaaneed oo ay dhallinyarada iyo suugaanyahanadu ku kala war qaataan, golahayaashaas ayaa kala a "GOLAHA TARTANKA SUUFGAANTA” iyo "GOLAHA ABWAANKA IYO GEEDKA SUUGAANTA" Haddaba gabaygan oo noqon doonaa kii mid ka mida Silsiladaas aan kaga soo hadalnay, waxaa la yidhaahdaa "Sama baxa” bogasho wacan.

1. Ka saahiday Galeyrow baryahan, Siinka gabayeede
2. Sidii bari silsiladaan u xiray, Sooman baan ahaye
3. Wax i saaqay mooyee baryahan, Soowtki waan dhigaye
4. Hayeeshee markaan saaf iraa, Suunka waw xiriye
5. Sahal waan duldhigi meelahii, Siinka loo rabaye.

6. Afartaas sifaalaha warkiyo, Seefa xoog badan dheh
7. Seerigaan in badan yeerin jira, Sawaxankiisii dheh
8. Sagal soo hilaaciyo iftiin, Samada buuxshaa dheh
9. Afar kalena sahan aan u diray, Samabaxeenii dheh

10. Sunta eey qabyaaladi laheeyd, Saaqday dunidiiye
11. Sifaheeda qurunkaa na baday, Sayaxa joogaaye
12. Waa siriq gumeeystahu u dhigay, Sama wadaagiiye
13. Sibiq naga dhaqaaq maalintuu, Seeda noo mudaye
14. Nimankii saldanadii xornima, Sacabka loo saaray
15. Sunta uu gumeeystaha rakibay, Siiba garan waaye
16. Iyagaaba seeriyo ku furay, Saba barwaaqeede
17. Saqiirnimo hadeey muujiyaan, Nama salfooteene
18. Markeey sararta weeynaatayoo, Suxullo buurnaatay

19. Sodon guuradeenii xornimo, Siibtay calankiiye
20. Sa'da Kuwey ka wada jeeda ooy, Soocataa, yimiye
21. Suug iyo waxaa leeysu koray, Siiblahoo jarane.

22. Afartaas saqiir iyo kabiir soow’ ka dagayaa dheh
23. Siri maayo uunkee xornima, Siibatoo dhacan dheh
24. Sunti uu gumeeystaha rakibay, Sarakaceedii dheh
25. Afar kalena saameeynta timi, Sabab qabyaaleed dheh

26. Ku sifeeyay soomaalidii, Silic aduunyeede
27. Suluf iyo abaar buu dhigiyo, Soohan dirireede
28. Sareedadi dalkeeniiyo la waa', Subagi dhoobnaaye
29. Sanweeyntii lo'aad iyo la dhacay,Sumal-idaadkiiye
30. Geelina ninaan wadanin SEER, Soofsan kari waaye
31. Surgooyada la dhigay laamigii, Laga sagaaroowye
32. Soofaha wax gooyiyo birtii, Leeysku salaqleeye

33. Sallid weeye cuduroo nin qabo, sama ku waareeyne
34. Sadna kama heshaan, iyo wanaag sacabtunkiisiiye
35. Sareeyn kuuma dhalo oo Naflaha, sixmay ilaaheeye

36. Socotada baxeeysiyo dadkaa, Safara uun joogo
37. Safka ceeyrta loo galahayiyo, Sacabadaa taagan
38. Sad-bursiga qabiilkiyo kursiga, Sallaxa noo yaallo
39. Soohdimaha la dhigi seeradaa, Leeysku kala sooci
40. Sanahaabadaa waxaa na baday, Sabab qabyaaleede

41. Hadaan leeysku sooheeyn xargaha,Saab ma celiyaane
42. Sibraarkuna hadaan leeysku tolin, Seeydhi biyihiiye
43. Safiihnimo hadaan Loo dhaqmeeyn, Saa ma noqoneene
44.Siyaasiga guracan waa waxuu, Sad u maleeyaaye
45. Hadmaan saaxi noqon aadmigii, Naga santaagaane?

46. Jeeraan Sinaan iyo midnimo, Sabada loo doonin
47. Saafina ka noqon aadmigii, Cudurkan saameeyay
48. Wallee qaran inuu noo saldhigo, Kama sugeeysaane
49.Waa kaa sabbeeyn ooy dadkii, Sidan u dhaameeyne
50. Salaamaat alahayoow adaa, Saatiroo jira'e
 

Gabayga: Sama Baxa

Curiye:Saciid Muuse Axmad (ustaadka)
Akhrise hoos kadhiibo fikirkaaga


Leave a comment

  Tip

  Tip

  Tip

  Tip

  Tip


Like Us on Facebook
Heads up: The Warshekh network is getting ready to show off a new look!

27/02/2024 - 20:26:19 | Visits: 399

(Ogeysiis) Shabakada Warsheekh oo dhawaan yeelaneeso naqshad cusub!

27/02/2024 - 18:41:48 | Visits: 439

Madax sare oo kulug yeelatay dilka ganacsade lagu dilay Muqdisho

27/02/2024 - 16:21:16 | Visits: 510

Largest Military Drill by US Commences in East Africa

27/02/2024 - 16:03:51 | Visits: 467

Police in Mogadishu Detain Female Trader and Brother in Connection with Fatal Stabbing

27/02/2024 - 16:03:51 | Visits: 538

Locals Report "Raging" Clashes in Ethiopian Region

27/02/2024 - 16:03:51 | Visits: 542

God kusoo dumay Soomaali Qodeesay Dahab

26/02/2024 - 14:35:39 | Visits: 426

EU Emphasizes Continued Support for Somalia's Sovereignty in Dialogue with President Mohamud

25/02/2024 - 22:02:33 | Visits: 766

Dhaqan caadi kanoqday qurbaha, kaas oo ah in hooyada lasoo dhoweysto, aabbahana la fogeeyo. W/Q Sabriye Musse.

25/02/2024 - 19:16:54 | Visits: 565

Arrival of Russian Grain Shipment Embraced by Zimbabwe

25/02/2024 - 11:59:17 | Visits: 530

Video Updates

Mahad Salaad "Shirkoole halgankii Xuriyadda"

Taariikhda Quruxda badan ee Warsheekh

Muuqaal Taariikhda Warsheekh

Ogow Sumcad dilka lagu haayo Islaamka

More Video Updates
Sheekooyin
Keydka Sheekooyinka
Maqaallo
Maqaallo Kale
Featured
More Featured